ਸਿੱਖ ਵਫਦ ਵੱਲੋਂ ਸੈਕਰਾਮੈਂਟੋ ਦੇ ਨਵੇਂ ਜਿੱਤੇ ਮੇਅਰ ਨਾਲ ਮੁਲਾਕਾਤ

Posted On 07 Sep 2016

By : Punjab Mail USA

ਸੈਕਰਾਮੈਂਟੋ, 7 ਅਗਸਤ (ਪੰਜਾਬ ਮੇਲ)- ਡੈਰਲ ਸਟੀਨਬਰਗ ਸੈਕਰਾਮੈਂਟੋ ਦੇ ਨਵੇਂ ਮੇਅਰ ਵਜੋਂ ਸਹੁੰ ਚੁੱਕਣਗੇ। ਪਿਛਲੇ ਦਿਨੀਂ ਇਕ ਸਿੱਖ ਵਫਦ ਵੱਲੋਂ ਉਨ੍ਹਾਂ ਨਾਲ ਮੁਲਾਕਾਤ ਕੀਤੀ ਗਈ ਅਤੇ ਸਿੱਖਾਂ ਨੂੰ ਆਉਂਦੀਆਂ ਦਰਪੇਸ਼ ਮੁਸ਼ਕਲਾਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ ਗਈ। ਸਿਟੀਜ਼ਨ ਹੋਟਲ, ਡਾਊਨਟਾਊਨ, ਸੈਕਰਾਮੈਂਟੋ ਵਿਖੇ ਹੋਈ ਇਹ ਮੀਟਿੰਗ ਤਕਰੀਬਨ 1 ਘੰਟਾ ਚੱਲੀ। ਵਫਦ ਵਿਚ ਹੋਰਨਾਂ ਤੋਂ ਇਲਾਵਾ ਅਮਰੀਕਨ ਸਿੱਖ ਕਾਕਸ ਦੇ ਡਾਇਰੈਕਟਰ ਹਰਪ੍ਰੀਤ ਸਿੰਘ ਸੰਧੂ, ਐਲਕ ਗਰੋਵ ਯੂਨੀਫਾਈਡ ਸਕੂਲ ਡਿਸਟ੍ਰਿਕ ਦੀ ਪ੍ਰਧਾਨ ਬੌਬੀ ਐਲਨ ਅਤੇ ਡੈਮੋਕ੍ਰੇਟਿਕ ਨੈਸ਼ਨਲ ਕਨਵੈਨਸ਼ਨ ਦੇ ਡੈਲੀਗੇਟ ਗੁਰਜਤਿੰਦਰ ਸਿੰਘ ਰੰਧਾਵਾ ਵੀ ਸ਼ਾਮਲ ਸਨ। ਇਲੈਕਟ ਮੇਅਰ ਡੈਰਲ ਨੇ ਸਿੱਖ ਵਫਦ ਵੱਲੋਂ ਪੇਸ਼ ਕੀਤੀਆਂ ਮੁਸ਼ਕਲਾਂ ਨੂੰ ਬੜੇ ਹੀ ਗੌਰ ਨਾਲ ਸੁਣਿਆ ਅਤੇ ਵਾਅਦਾ ਕੀਤਾ ਕਿ ਇਨ੍ਹਾਂ ਮੁਸ਼ਕਿਲਾਂ ਨੂੰ ਆਪਣੇ ਕਾਰਜਕਾਲ ਦੌਰਾਨ ਹੱਲ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।