ਪ੍ਰੇਸ ਰਿਲੀਜ਼ ਅਤੇ ਸਟੇਟਮੇੰਟ
ਰਿਸਰਚ – ਪ੍ਰਦੂਸ਼ਨ ਕਾਰਨ ਦਿੱਲੀ ਵਿੱਚ ਹਰ ਤੀਜੇ ਬੱਚੇ ਦਾ ਫੇਫੜਾ ਖਰਾਬ
Page Visitors: 2324
ਰਿਸਰਚ – ਪ੍ਰਦੂਸ਼ਨ ਕਾਰਨ ਦਿੱਲੀ ਵਿੱਚ ਹਰ ਤੀਜੇ ਬੱਚੇ ਦਾ ਫੇਫੜਾ ਖਰਾਬ
December 10
09:42 2017
ਦਿੱਲੀ ਵਿੱਚ ਹਾਲਾਤ ਇਹੋ ਜਿਹੇ ਰਹੇ ਤਾਂ ਲੋਕਾਂ ਦਾ ਸਾਹ ਲੈਣਾ ਮੁਸ਼ਕਲ ਹੋ ਜਾਵੇਗਾ। ਸੈਂਟਰ ਫਾਰ ਸਾਇੰਸ ਐਂਡ ਇਨਵਾਇਰਮੈਂਟ ਦੀ ਰਿਪੋਰਟ ਕਹਿੰਦੀ ਹੈ ਕਿ ਭਾਰਤ ਵਿੱਚ ਉਮਰ ਤੋਂ ਪਹਿਲਾਂ ਹੋਣ ਵਾਲੀਆਂ ਮੌਤਾਂ ਵਿੱਚ 30 ਫੀਸਦੀ ਪ੍ਰਦੂਸ਼ਤ ਹਵਾ ਕਾਰਨ ਹੈ। ਸਾਲ 2016 ਵਿੱਚ ਤਿੰਨ ਕਰੋੜ ਲੋਕਾਂ ਨੂੰ ਮੁਲਕ ਵਿੱਚ ਅਸਥਮਾ ਦੀ ਬੀਮਾਰੀ ਸੀ।
ਲਾਈਫਸਟਾਈਲ ਡਿਜ਼ੀਜ਼ ਨਾਂ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਦਿੱਲੀ ਵਿੱਚ ਹਰ ਤੀਜੇ ਬੱਚੇ ਦਾ ਫੇਫੜਾ ਖਰਾਬ ਹੈ। ਰਿਸਰਚ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਪ੍ਰਦੂਸ਼ਤ ਹਵਾ ਤੇ ਮਾਨਸਿਕ ਹੈਲਥ ਵਿਚਾਲੇ ਡੂੰਘਾ ਸਬੰਧ ਹੈ ਤੇ ਕਈ ਪੱਖ ਅਜੇ ਅਣਸੁਲਝੇ ਹਨ। ਰਿਪੋਰਟ ਕਹਿੰਦੀ ਹੈ ਕਿ ਸਾਲ 2020 ਤੱਕ ਹਰ ਸਾਲ ਕੈਂਸਰ ਦੇ 17.3 ਲੱਖ ਨਵੇਂ ਮਾਮਲੇ ਦਰਜ ਕੀਤੇ ਜਾਣਗੇ ਜਿਸ ਦਾ ਕਾਰਨ ਪ੍ਰਦੂਸ਼ਤ ਹਵਾ ਹੈ। ਮੁਲਕ ਵਿੱਚ 27 ਲੱਖ ਲੋਕਾਂ ਦੀ ਮੌਤ ਹਰ ਸਾਲ ਦਿਲ ਦੀਆਂ ਬੀਮਾਰੀਆਂ ਕਾਰਨ ਹੁੰਦੀ ਹੈ। ਇਨ੍ਹਾਂ ਵਿੱਚ 52 ਫੀਸਦੀ ਦੀ ਉਮਰ 70 ਸਾਲ ਤੋਂ ਘੱਟ ਹੁੰਦੀ ਹੈ।
............................................
ਟਿੱਪਣੀ:- ਦਿੱਲੀ ਦੇ ਭਾਵੇਂ ਸਾਰੇ ਲੋਕ ਬਿਮਾਰ ਹੋ ਜਾਣ, ਪਰ ਅਸੀਂ ਆਪਣੀ ਸਿਆਸੀ ਦੁਸ਼ਮਣ ਪਾਰਟੀ, ਜਿਸ ਨੇ ਸਾਨੂੰ ਬਹੁਤ ਬੁਰੀ ਤਰ੍ਹਾਂ ਹਰਾਇਆ ਸੀ, ਅਤੇ ਉਨ੍ਹਾਂ ਨੂੰ ਵੋਟ ਦੇਣ ਵਾਲਿਆਂ ਨੂੰ ਸਬਕ ਸਿਖਾ ਕੇ ਹੀ ਰੁਕਾਂਗੇ। ਐਲ.ਜੀ. ਜ਼ਿੰਦਾਬਾਦ।
ਅਮਰ ਜੀਤ ਸਿੰਘ ਚੰਦੀ