ਸੈਕਰਾਮੈਂਟੋ, 10 ਜਨਵਰੀ (ਪੰਜਾਬ ਮੇਲ)- ਸੈਕਰਾਮੈਂਟੋ ਇਲਾਕੇ ਦੇ ਸਿਟੀ ਕਾਲਜ ਵੈਸਟ ਸੈਕਰਾਮੈਂਟੋ ਕੈਂਪਸ ਵਿਚ 402 ਪੰਜਾਬੀ ਦੀ ਕਲਾਸ ਦਾ ਦਾਖਲਾ ਸ਼ੁਰੂ ਹੈ। ਬਤੌਰ ਫ਼ਾਰਨ ਲੈਂਗੁਏਜ ਪੰਜਾਬੀ ਨੂੰ ਚੁਣਨਾ ਪੰਜਾਬੀਆਂ ਲਈ ਬਹੁਪੱਖੀ ਲਾਹੇਵੰਦ ਪਰਿਯੋਜਨ ਹੋਵੇਗਾ।
ਇਸ ਕਲਾਸ ਨੂੰ ਪਾਸ ਕਰਨ ਨਾਲ ਬੱਚਿਆਂ ਨੂੰ ਯੂਨੀਵਰਸਿਟੀ ਦਾਖ਼ਲੇ ਲਈ ਚਾਰ ਯੂਨਿਟ ਤੱਕ ਕਰੈਡਿਟ ਮਿਲੇਗਾ।
ਅੱਜਕੱਲ੍ਹ ਹਰ ਵਿਭਾਗ, ਹਸਪਤਾਲ, ਕੋਰਟ, ਡੀ.ਐੱਮ.ਵੀ., ਇਮੀਗਰੇਸ਼ਨ ਆਫ਼ਿਸ, ਗੱਲ ਕੀ ਹਰ ਥਾਂ ਪੰਜਾਬੀ ਟਰਾਂਸਲੇਟਰ ਦੀ ਲੋੜ ਹੈ, ਸੋ ਪੰਜਾਬੀ ਦਾ ਸਿੱਖਣਾ ਕੰਮ ਲੱਭਣ ਵੇਲੇ ਸੋਨੇ ‘ਤੇ ਸੁਹਾਗਾ ਸਾਬਿਤ ਹੁੰਦਾ ਹੈ।
ਇਹ ਸਪਰਿੰਗ ਕਲਾਸ 16 ਜਨਵਰੀ 2018 ਤੋਂ 16 ਮਈ ਤੱਕ ਸ਼ਾਮ ਨੂੰ ਸਾਢੇ ਛੇ ਤੋਂ ਸਾਢੇ ਅੱਠ ਤੱਕ ਹੋਵੇਗੀ। ਇਸ ਵਿਚ ਦਾਖ਼ਲ ਹੋਣ ਲਈ ਤੁਸੀਂ ਫ਼ਾਇਨਾਂਸ਼ਲ ਏਡ ਦੇ ਹੱਕਦਾਰ ਵੀ ਹੋ ਸਕਦੇ ਹੋ ਤੇ ਡਾਕਾ ਅਧੀਨ ਆਉਂਦੇ ਵਿਦਿਆਰਥੀਆਂ ਲਈ ਵੀ ਇਸ ਸੰਸਥਾ ਦੀ ਪ੍ਰਤੀਬੱਧਤਾ ਹੈ। ਤੁਸੀਂ ਆਪਣੀ ਰੈਗੁਲਰ ਜੌਬ ਜਾਂ ਪੜ੍ਹਾਈ ਦੇ ਨਾਲ-ਨਾਲ ਇਹ ਕਲਾਸ ਲੈ ਸਕਦੇ ਹੋ।