53 ਡੇਰਾ ਪ੍ਰੇਮੀਆਂ ਤੋਂ ਦੇਸ਼ਧਰੋਹ ਅਤੇ ਹੱਤਿਆ ਦੀ ਕੋਸ਼ਿਸ਼ ਦੀ ਧਾਰਾਵਾਂ ਹਟਾਉਣ ਦੇ ਆਦੇਸ਼
ਪੰਚਕੂਲਾ, 19 ਫਰਵਰੀ (ਪੰਜਾਬ ਮੇਲ)- ਪੰਚਕੂਲਾ ‘ਚ ਪਿਛਲੇ ਸਾਲ 25 ਅਗਸਤ ਨੂੰ ਹੋਈ ਹਿੰਸਾ ਦੀ ਜਾਂਚ ਕਰ ਰਹੀ ਐਸਆਈਟੀ ਨੂੰ ਵੱਡਾ ਝਟਕਾ ਲੱਗਾ ਹੈ। ਮਾਮਲੇ ਵਿਚ 53 ਦੋਸ਼ੀਆਂ ‘ਤੇ ਦੇਸ਼ਧਰੋਹ ਅਤੇ ਹੱਤਿਆ ਦੀ ਕੋਸ਼ਿਸ਼ ਦੀ ਧਾਰਾਵਾਂ ਹਟਾਉਣ ਦੇ ਆਦੇਸ਼ ਸੈਸ਼ਨ ਕੋਰਟ ਨੇ ਦਿੱਤੇ ਹਨ। ਪੁਲਿਸ ਇਨ੍ਹਾਂ ‘ਤੇ ਦੋਸ਼ ਸਾਬਤ ਨਹੀਂ ਕਰ ਸਕੀ। ਇਨ੍ਹਾਂ ਦੋਸ਼ੀਆਂ ਵਿਚੋਂ ਜ਼ਿਆਦਾਤਰ ਰਾਮ ਰਹੀਮ ਦੇ ਕਰੀਬੀ ਹਨ ਜਾਂ ਫੇਰ ਡੇਰੇ ਦੀ 45 ਮੈਂਬਰੀ ਕਮੇਟੀ ਦੇ ਮੈਂਬਰ। ਬਚਾਅ ਧਿਰ ਦੇ ਵਕੀਲ ਸੁਰੇਸ਼ ਰੋਹਿੱਲਾ ਨੇ Îਇਹ ਜਾਣਕਾਰੀ ਦਿੱਤੀ। ਚਾਰਜਸ਼ੀਟ ਦੇ ਆਧਾਰ ‘ਤੇ ਚਾਰਜਫਰੇਮ ਦੀ ਬਹਿਸ ‘ਤੇ ਕੋਰਟ ਨੇ ਦੇਖਿਆ ਕਿ ਦੇਸ਼ਧਰੋਹ ਦੀ ਧਾਰਾ ਅਤੇ ਹੱਤਿਆ ਦੀ ਕੋਸ਼ਿਸ਼ ਦੀ ਧਾਰਾ ਨਹੀਂ ਬਣਦੀ ਹੈ। ਹੁਣ ਇਸ ਮਾਮਲੇ ਵਿਚ ਹੋਰ ਧਾਰਾਵਾਂ ਦੇ ਨਾਲ ਜੁਡੀਸ਼ੀਅਲ ਮੈਜਿਸਟ੍ਰੇਟ ਦੇ ਕੋਲ ਮਾਮਲਾ ਚੱਲੇਗਾ। ਰੋਹਿੱਲਾ ਨੇ ਦੱਸਿਆ ਕਿ ਸੁਣਵਾਈ ਦੌਰਾਨ ਦੇਖਿਆ ਗਿਆ ਕਿ ਕਿਸੇ ਵੀ ਪੁਲਿਸ ਕਰਮੀ ਨੂੰ ਗੰਭੀਰ ਤੌਰ ‘ਤੇ ਜ਼ਖਮੀ ਨਹੀਂ ਕੀਤਾ ਗਿਆ ਜਦ ਕਿ ਦੇਸ਼ਧਰੋਹ ਦੇ ਦੋਸ਼ ਵੀ ਸਾਬਤ ਨਹੀਂ ਹੋ ਸਕੇ। ਗੌਰਤਲਬ ਹੈ ਕਿ ਅਦਾਲਤ ਦੁਆਰਾ ਇਨ੍ਹਾਂ ਦੋਸ਼ੀਆਂ ਵਿਚੋਂ ਕਈ ‘ਤੇ ਲੱਗੀ ਧਾਰਾਵਾਂ ਨੂੰ ਹਟਾਉਣ ਨਾਲ ਐਸਆਈਟੀ ਨੂੰ ਕਰਾਰਾ ਝਟਕਾ ਲੱਗਾ ਹੈ। ਅਜਿਹੇ ਵਿਚ ਜਾਂਚ ਵਿਚ ਜੁਟੀ ਪੁਲਿਸ ਦੇ ਸਾਹਮਣੇ ਕਈ ਚੁਣੌਤੀਆਂ ਦਿਖਣ ਲੱਗੀਆਂ ਹਨ।
ਗੌਰਤਲਬ ਹੈ ਕਿ ਪੰਚਕੂਲਾ ਵਿਚ 25 ਅਗਸਤ ਨੂੰ 2017 ਨੂੰ ਡੇਰਾ ਮੁਖੀ ਗੁਰਮੀਤ ਰਾਮ ਰਹੀਮ ਨੂੰ ਸਾਧਵੀ ਬਲਾਤਕਾਰ ਕੇਸ ਵਿਚ ਦੋਸ਼ੀ ਠਹਿਰਾਉਣ ਤੋਂ ਬਾਅਦ ਹਿੰਸਾ ਹੋਈ ਸੀ। ਇਸ ਦੌਰਾਨ ਡੇਰਾ ਸਮਰਥਕਾਂ ਦੁਆਰਾ ਜ਼ਿਲ੍ਹੇ ਦੇ ਕਈ Îਇਲਾਕਿਆਂ ਵਿਚ ਤੋੜਫੋੜ ਅਤੇ ਅੱਗਜਨੀ ਕੀਤੀ ਗਈ ਸੀ। ਹਿੰਸਾ ਦੇ ਹਾਲਾਤਾਂ ਵਿਚ ਪੁਲਿਸ ਵਲੋਂ ਕਾਰਵਾਈ ਵਿਚ ਕਈ ਲੋਕਾਂ ਦੀ ਮੌਤ ਹੋਈ ਸੀ। ਜਿਸ ਤੋਂ ਬਾਅਦ ਪੂਰੀ ਘਟਨਾ ਦੀ ਜਾਂਚ ਦੇ ਲਈ ਸਰਕਾਰ ਦੁਆਰਾ ਐਸਆਈਟੀ ਦਾ ਗਠਨ ਕੀਤਾ ਗਿਆ ਸੀ