ਜਕਾਰਤਾ, 14 ਮਈ (ਪੰਜਾਬ ਮੇਲ)- ਇੰਡੋਨੇਸ਼ੀਆ ਦੇ ਜਾਵਾ ਸ਼ਹਿਰ ਵਿਚ ਤਿੰਨ ਗਿਰਜਾ ਘਰਾਂ ਦੇ ਸਾਹਮਣੇ ਆਤਮਘਾਤੀ ਹਮਲਿਆਂ ਦੀ ਜ਼ਿੰਮੇਵਾਰੀ ਅੱਤਵਾਦੀ ਸੰਗਠਨ ਇਸਲਾਮਿਕ ਸਟੇਟ ਨੇ ਲਈ ਹੈ। ਇਸ ਆਤਮਘਾਤੀ ਹਮਲੇ ਵਿਚ 11 ਲੋਕ ਮਾਰੇ ਗਏ ਸੀ ਜਦ ਕਿ 13 ਜ਼ਖਮੀ ਹੋ ਗਏ ਸੀ। ਇਹ ਹਮਲਾ ਸਥਾਨਕ ਸਮੇਂ ਦੇ ਅਨੁਸਾਰ ਸਵੇਰੇ ਸਾਢੇ ਸੱਤ ਵਜੇ ਸੁਰਬਾਇਆ ਸ਼ਹਿਰ ਦੇ ਤਿੰਨ ਗਿਰਜਾ ਘਰਾਂ ‘ਤੇ ਹੋਇਆ। ਇਸਲਾਮਿਕ ਸਟੇਟ ਨੇ ਅਪਣੀ ਅਮਾਕ ਏਜੰਸੀ ਜ਼ਰੀਏ ਇਸ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ। ਇਸ ਹਮਲੇ ਦੌਰਾਨ ਦੌਰਾਨ ਘੱਟ ਤੋਂ ਘੱਟ 11 ਲੋਕਾਂ ਦੀ ਮੌਤ ਹੋ ਗਈ ਤੇ 41 ਜ਼ਖਮੀ ਹੋਏ ਹਨ। ਇਸ ਹਮਲੇ ਪਿੱਛੇ 6 ਮੈਂਬਰਾਂ ਵਾਲੇ ਇੱਕ ਪਰਿਵਾਰ ਦਾ ਹੱਥ ਹੈ। ਪਰਿਵਾਰ ਵਿਚ ਦੋ ਧੀਆਂ 9 ਤੇ 12 ਸਾਲ, ਦੋ ਬੇਟੇ 16 ਤੇ 18 ਸਾਲ, ਸਥਾਨਕ ਸ਼ਾਰੂਤ ਦੌਲਾ ਨਾਲ ਜੁੜੇ ਸੀ ਜੋ ਇਸਲਾਮਿਕ ਸਟੇਟ ਦਾ ਸਮਰਥਨ ਕਰਦਾ ਹੈ।