ਅਮਰੀਕਾ ਵੀ ਹੁਣ ਵੇਚੇਗਾ ਕਲਾਸਨੀਕੋਵ ਰਾਈਫਲਾਂ
ਵਾਸ਼ਿੰਗਟਨ, 1 ਜੁਲਾਈ (ਪੰਜਾਬ ਮੇਲ)- ਕਲਾਸ਼ਨੀਕੋਵ ਰਾਈਫਲ ਹੁਣ ਸਿਰਫ ਰੂਸ ਇਕੱਲੇ ਦੀ ਹੀ ਨਹੀਂ ਰਹੀ। ਏਸ਼ੀਆ ਅਤੇ ਅਫਰੀਕਾ ਦੇ ਫੌਜੀਆਂ ਵਿਚ ਹਰਮਨਪਿਆਰੀ ਇਹ ਰਾਈਫਲ ਹੁਣ ਅਮਰੀਕਾ ਵੀ ਬਣਾ ਰਿਹਾ ਹੈ ਅਤੇ ਇਹ ਰਾਈਫਲ ਵਿਕਣ ਲਈ ਤਿਆਰ ਹੈ। ਕਲਾਸ਼ਨੀਕੋਵ ਅਮਰੀਕਾ ਨੇ ਬੀਤੇ ਦਿਨ ਐਲਾਨ ਕੀਤਾ ਸੀ ਕਿ ਉਹ ਹੁਣ ਏ.ਕੇ.-47 ਰਾਈਫਲ ਅਤੇ ਸ਼ਾਟਗੰਨ ਵੇਚ ਰਿਹਾ ਹੈ ਜਿਨ੍ਹਾਂ ਦਾ ਨਿਰਮਾਣ ਅਮਰੀਕਾ ਦੀ ਇਕ ਫੈਕਟਰੀ ਵਿਚ ਕੀਤਾ ਜਾ ਰਿਹਾ ਹੈ। ਕਲਾਸ਼ਨੀਕੋਵ ਅਮਰੀਕਾ ਦੇ ਸੀ.ਈ.ਓ. ਥੋਮਸ ਮੈਕਰੋਸਿਨ ਨੇ ਜਨਵਰੀ ਵਿਚ ਕਿਹਾ ਸੀ ਕਿ ਜਦੋਂ ਉਨ੍ਹਾਂ ਦੀ ਫੈਕਟਰੀ ਸਥਾਪਤ ਹੋ ਗਈ ਤਾਂ ਉਨ੍ਹਾਂ ਦੀ ਕੰਪਨੀ ਇਸ ਰਾਈਫਲ ਦਾ ਨਿਰਮਾਣ ਸ਼ੁਰੂ ਕਰ ਦੇਵੇਗੀ।