ਨੇਪਾਲ ਦਾ ਤਾਂ ਹੁਣ ਰਬ ਹੀ ਰਾਖਾ ,ਫਿਰ ਆਏ ਭੂਚਾਲ ਦੇ ਦੋ ਝਟਕੇ
ਕਾਠਮੰਡੂ, 26 ਜੁਲਾਈ (ਪੰਜਾਬ ਮੇਲ) – ਨੇਪਾਲ ‘ਚ ਅੱਜ 4 ਅਤੇ 4.1 ਦੀ ਤੀਬਰਤਾ ਦੇ ਭੂਚਾਲ ਦੇ ਦੇ ਹਲਕੇ ਮਹਿਸੂਸ ਕੀਤੇ ਗਏ। 25 ਅਪ੍ਰੈਲ ਦੇ ਵਿਨਾਸ਼ਕਾਰੀ ਭੂਚਾਲ ਤੋਂ ਉਬਰਣ ਦੀ ਕੋਸ਼ਿਸ਼ ‘ਚ ਲੱਗੇ ਨੇਪਾਲ ‘ਚ ਭੂਚਾਲ ਬਾਅਦ ਦੇ ਸੈਂਕੜੇ ਝਟਕੇ ਮਹਿਸੂਸ ਕੀਤੇ ਜਾ ਚੁੱਕੇ ਹਨ। ਰਾਸ਼ਟਰੀ ਭੂਚਾਲ ਕੇਂਦਰ ਦੇ ਮੁਤਾਬਕ, ਸਵੇਰੇ ਸਾਢੇ 9 ਵਜੇ ਮਹਿਸੂਸ ਕੀਤੇ ਗਏ ਭੂਚਾਲ ਦੇ ਝਟਕੇ ਦੀ ਤੀਬਰਤਾ ਰਿਕਟਰ ਪੈਮਾਨੇ ‘ਤੇ 4.1 ਮਾਪੀ ਗਈ ਜਿਸ ਦਾ ਕੇਂਦਰ ਕਾਠਮੰਡੂ ਤੋਂ ਤਕਰੀਬਨ 100 ਕਿਲੋਮੀਟਰ ਦੂਰ ਦੋਲਖਾ ਜ਼ਿਲੇ ‘ਚ ਸਥਿਤ ਸੀ। ਇਸ ਤੋਂ ਬਾਅਦ 10-03 ਵਜੇ 4.0 ਦੀ ਤੀਬਰਤਾ ਦਾ ਭੂਚਾਲ ਦਾ ਝਟਕਾ ਮਹਿਸੂਸ ਕੀਤਾ ਗਿਆ ਜਿਸ ਦਾ ਕੇਂਦਰ ਰਾਜਧਾਨੀ ਦੇ ਉਤਰ ਪੂਰਬ ‘ਚ 60 ਕਿਲੋਮੀਟਰ ਦੂਰ ਸਿੰਧੁਪਾਲ ਚੌਕ ‘ਤੇ ਸੀ। ਕਲ ਵੀ ਦੇਸ਼ ‘ਚ ਭੂਚਾਲ ਬਾਅਦ ਦੇ ਦੋ ਝਟਕੇ ਮਹਿਸੂਸ ਕੀਤੇ ਗਏ ਸਨ।
25 ਅਪ੍ਰੈਲ ਨੂੰ ਆਏ ਭਿਆਨਕ ਭੂਚਾਲ ਤੋਂ ਬਾਅਦ ਤੋਂ ਦੇਸ਼ ‘ਚ ਕੁਲ 359 ਝਟਕੇ ਆ ਚੁੱਕੇ ਹਨ।