ਕਵਿਤਾਵਾਂ
ਨਾਮ ਤੇਰਾ
Page Visitors: 2508
ਨਾਮ ਤੇਰਾ
ਨਾਮ ਤੇਰਾ ਲੈਣਾ ਮੈਨੂੰ ਜਦ ਜਦ ਭੁਲਦਾ।
ਜੱਗ ਦਿਆਂ ਧੰਦਿਆਂ ‘ਚ ਕੱਖਾਂ ਵਾਂਗੂ ਰੁਲਦਾ।
ਤੁੰ ਹੀ ਮੇਰੀ ਆਸ ਹੈਂ ਤੇ ਤੂੰ ਹੀ ਮੇਰੀ ਸੇਧ ਹੈਂ,
ਸੇਧ ਬਿਨਾ ਚਲਾਂ ਜਦ ਡੱਕੇ ਵਾਗੂ ਝੁੱਲਦਾ।
ਤੂੰ ਹੀ ਮੇਰਾ ਮਾਣ ਤਾਣ ਤੂੰ ਹੀ ਆਨ ਸ਼ਾਨ ਹੈਂ,
ਤੇਰੇ ਬਿਨਾ ਮੈਂ ਤਾਂ ਇਕ ਕੌਡੀ ਦੇ ਨਾ ਮੁੱਲ ਦਾ।
ਤੇਰਾ ਨਾਮ ਲੈਕੇ ਤਾਂ ਬਹਾਰਾਂ ਖਿੜ ਜਾਂਦੀਆਂ,
ਤੇਰੇ ਬਿਨਾ ਰੁੱਖ ਸੁੱਕਾ, ਵਧਦਾ ਨਾ ਫੁੱਲਦਾ।
ਦੁਨੀਆਂ ‘ਚ ਖੋਇਆ ਹੋਇਆ, ਜੀਵਾਂ ਬਿਨਾ ਆਸ ਦੇ,
ਜੀਣ ਦੀ ਲਲਕ ਲੈ ਕੇ ਹਰ ਘੜੀ ਘੁਲਦਾ।
ਚੰਗਾ ਇਸ ਜੀਣ ਨਾਲੋਂ ਤੇਰੇ ਵਿਚ ਮਰਨਾ,
ਜਪਾਂ ਤੇਰਾ ਨਾਮ, ਜੀਵਾਂ ਜੀਣ ਇਕ ਫੁੱਲ ਦਾ।
ਡਾ ਦਲਵਿੰਦਰ ਸਿੰਘ ਗ੍ਰੇਵਾਲ