“ ਗੁਰਮਤਿ ਵਿਚ ਆਵਾ-ਗਵਣ ਦਾ ਸੰਕਲਪ ” 
    ਸਤਿਕਾਰ-ਯੋਗ ਪਾਠਕ ਸੱਜਣੋ ,
                 ਵਾਹਿਗੁਰੂ ਜੀ ਕਾ ਖਾਲਸਾ       ਵਾਹਿਗੁਰੂ ਜੀ ਕੀ ਫਤਿਹ
      ਲੇਖ ਲੜੀ “ ਗੁਰਮਤਿ ਵਿਚ ਆਵਾ-ਗਵਣ ਦਾ ਸੰਕਲਪ ” ਨੂੰ ਸ਼ੁਰੂ ਹੋਇਆਂ 6 ਮਹੀਨੇ ਤੋਂ ਉੱਪਰ ਸਮਾ ਹੋ ਗਿਆ ਹੈ, ਜਿਸ ਵਿਚ ਹੁਣ ਤੱਕ  ਆਵਾ-ਗਵਣ ਸਬੰਧੀ, ਗੁਰਬਾਣੀ ਦੇ ਪੂਰੇ-ਪੂਰੇ ਸ਼ਬਦਾਂ ਤੇ ਆਧਾਰਿਤ  35 ਲੇਖ ਛੱਪ ਚੁੱਕੇ ਹਨ। ਪਰ ਅੱਜ ਤਕ ਨਾ ਤਾਂ ਆਵਾ-ਗਵਣ ਨੂੰ ਨਕਾਰਨ ਵਾਲੇ ਵਿਦਵਾਨਾਂ ਵਿਚੋਂ ਕਿਸੇ ਵਿਦਵਾਨ ਵੀਰ ਦਾ, ਉਨ੍ਹਾਂ ਲੇਖਾਂ ਵਿਚੋਂ ਕਿਸੇ ਲੇਖ ਨੂੰ ਗਲਤ ਸਾਬਤ ਕਰਦਾ ਕੋਈ ਲੇਖ ਕਿਸੇ ਵੈਬ-ਸਾਈਟ ਤੇ ਛਪਿਆ ਹੈ, ਅਤੇ ਨਾ ਹੀ ਇਸ ਮਸਲ੍ਹੇ ਨੂੰ ਵਿਵਾਦ ਮਈ ਦੱਸਣ ਵਾਲੇ “ ਤੱਤ ਗੁਰਮਤਿ ਪਰਿਵਾਰ ” ਵਾਲੇ ਵੀਰਾਂ ਵਿਚੋਂ ਕਿਸੇ ਵਲੋਂ ਕੋਈ ਟਿੱਪਣੀ ਜਾਂ ਕੋਈ ਲੇਖਲ਼ ਹੀ ਛਪਿਆ ਹੈ ।
      ਇਸ ਲੇਖ ਲੜੀ ਨੂੰ ਹੋਰ ਨਾ ਲਮਕਾਉਂਦੇ ਹੋਏ, ਇਸ ਬਾਰੇ 10 ਹੋਰ ਸ਼ਬਦਾਂ ਦੀ ਵਿਆਖਿਆ ਅਤੇ ਇਕ ਆਖਰੀ ਲੇਖ, ਇਸ ਲੜੀ ਨੂੰ ਸਮੇਟਦਿਆਂ  (Sum up, ਕਰਦਿਆਂ)  ਪਾਇਆ ਜਾਵੇਗਾ, ਉਸ ਮਗਰੋਂ ਇਹ ਲੇਖ-ਲੜੀ ਸਮਾਪਤ ਕਰ ਦਿੱਤੀ ਜਾਵੇਗੀ । ਉਸ ਵੇਲੇ ਤਕ ਜੇ ਕਿਸੇ ਵਿਦਵਾਨ ਵੀਰ ਦਾ, ਇਸ ਸਬੰਧੀ ਕੋਈ ਲੇਖ ਛਪਿਆ ਤਾਂ ਉਸ ਲੇਖ ਦਾ ਖੁਲਾਸਾ ਕਰਦਿਆਂ, ਕੋਈ ਲੇਖ ਭਾਵੇਂ ਪਾਇਆ ਜਾਵੇ ।
    ਵੈਸੇ ਮੇਰਾ ਮਕਸਦ (ਇਸ ਵਿਸ਼ੇ ਤੇ ਗੁਰਬਾਣੀ-ਅਧਾਰਿਤ ਚਾਨਣ ਪਾਉਣਾ) ਉਸ ਵੇਲੇ ਤਕ ਪੂਰਾ ਹੋ ਜਾਵੇਗਾ, ਸੁਹਿਰਦ ਪਾਠਕਾਂ ਤਕ, ਗੁਰਮਤਿ ਦਾ ਨਿਰਣਾ ਸਪੱਸ਼ਟ ਰੂਪ ਵਿਚ ਪਹੁੰਚ ਚੁੱਕਾ ਹੋਵੇਗਾ।
    ਉਸ ਤੋਂ ਅੱਗੇ ਗੁਰਮਤਿ ਸਬੰਧੀ ਹੋਰ ਵਿਸ਼ਿਆਂ ਤੇ ਅਤੇ ਸਿੱਖ ਮਸਲ੍ਹਿਆਂ ਸਬੰਧੀ ਵਿਚਾਰਾਂ ਹੁੰਦੀਆਂ ਰਹਣਗੀਆਂ।
                                       ਤੁਹਾਡਾ ਆਪਣਾ
                                   ਅਮਰ ਜੀਤ ਸਿੰਘ ਚੰਦੀ              
                                ਫੋਨ:- 91 95685 41414
                                           2-3-2015