ਗ੍ਰਹਿਸਤ ਅਤੇ ਜੀਵਨ ਦੀਆਂ ਜ਼ਿੰਮੇਂਵਾਰੀਆਂ
** ਗ੍ਰਹਿਸਤ ਜੀਵਨ ਦੀਆਂ ਜ਼ਿੰਮੇਂਵਾਰੀਆਂ ਨਿਭਾਉਣਾ ਵੀ ਮਨੁੱਖਾ ਜੀਵਨ ਦਾ ਹਿੱਸਾ ਹੈ। ਇਹਨਾਂ ਜ਼ਿੰਮੇਂਵਾਰੀਆਂ ਨੂੰ ਨਿਭਾਉਣ ਦਾ ਪ੍ਰਣ/ਵਾਅਦਾ/ਵਚਨ/ਪਰੋਮਿਸ ਹੀ ਤਾਂ ਅਸੀਂ ਅਨੰਦ-ਕਾਰਜ ਦੀ ਮਰਿਆਦਾ ਨਿਭਾਉਂਦੇ, ਗੁਰੁ ਗਰੰਥ ਸਾਹਿਬ ਜੀ ਅੱਗੇ ਨਤਮਸਤਕ ਹੋ ਕੇ ਕਰਦੇ ਹਾਂ।
** ਬਾਹਰ ਦੀਆਂ ਜਾਂ ਹੋਰ ਸਕੈਂਡਰੀ ਜ਼ਿੰਮੇਂਵਾਰੀਆਂ ਨਿਭਾਉਣ ਦੇ ਨਾਲ ਨਾਲ ਅਗਰ ਘਰ-ਗ੍ਰਹਿਸਤ ਦੀਆਂ ਜ਼ਿੰਮੇਂਵਾਰੀਆਂ ਨੂੰ ਪਹਿਲ ਦੇ ਆਧਾਰ ਉੱਪਰ ਨਿਭਾਇਆ ਜਾਏ ਤਾਂ ਘਰੇਲੂ ਤਾਲ-ਮੇਲ ਵਿਚ ਇੱਕ ਰਸ ਬਣਿਆ ਰਹਿੰਦਾ ਹੈ। ਘਰ ਦੇ ਹਾਲਾਤਾਂ ਦੇ ਤਾਲਮੇਲ ਅਤੇ ਇੱਕ ਰਸ ਹੋਣ ਨਾਲ ਬਾਹਰ ਦੇ ਕੰਮਕਾਰ ਕਰਨ ਨੂੰ ਵੀ ਜੀਅ ਕਰਦਾ ਹੈ/ ਲੱਗਦਾ ਹੈ।
** ਅੱਜ ਦੀ ਭੱਜ ਦੌੜ ਦੀ ਜਿੰਦਗੀ ਵਿਚ ਜਿਹੜੇ ਮਨੁੱਖ ਪ੍ਰੀਵਾਰਕ ਤਾਲਮੇਲ ਅਤੇ ਇੱਕ ਰਸ ਬਣਾਉਣ ਵਿਚ ਪਿੱਛੇ ਰਹਿ ਜਾਂਦੇ ਹਨ, ਉਹਨਾਂ ਦੇ ਜੀਵਨ ਵਿਚ ਬੇਰਸੀ ਵਾਲਾ ਮਹੌਲ ਸਿਰਜਿਆ ਜਾਂਦਾ ਹੈ। ਸਾਜ ਉਹੀ ਹੁੰਦੇ ਹਨ, ਪਰ ਬੇਤਾਲੇ ਹੋ ਜਾਂਦੇ ਹਨ। ਅਲੱਗ ਅਲੱਗ ਆਵਾਜ਼ਾਂ ਆਉਣ ਲੱਗ ਪੈਂਦੀਆਂ ਹਨ।
** ਬਹੁਤ ਵਧੀਆ ਜੋ ਤੁਸੀਂ ਸਾਰੇ ਪਾਸਿਆਂ ਨਾਲ ਤਾਲਮੇਲ ਬਣਾ ਕਿ ਪ੍ਰੀਵਾਰ ਦੀ ਬੇੜੀ ਦੇ ਮਲਾਹ ਬਣਕੇ ਸੰਸਾਰ ਸਮੁੱਦਰ ਵਿਚ ਮੌਜਾਂ ਮਾਣ ਰਹੇ ਹੋ। ਅਕਾਲ-ਪੁਰਖ ਚੜ੍ਹਦੀ ਕਲਾ ਵਿਚ ਰੱਖਣ ਜੀ।
ਇੰਜ ਦਰਸ਼ਨ ਸਿੰਘ ਖਾਲਸਾ