ਖਾਲਿਸਤਾਨ ਪੱਖੀ ਗੋਪਾਲ ਚਾਵਲਾ ਨਾਲ ਸਿਰਸਾ ਦੀ ਤਸਵੀਰ ਦਾ ਕੀ ਹੈ ਰਾਜ਼ ?
ਪੜ੍ਹੋ, ਸਿਰਸਾ ਦੀ ਸਫ਼ਾਈ
By : ਬਾਬੂਸ਼ਾਹੀ ਬਿਊਰੋ
Wednesday, Jul 31, 2019 11:12 AM
ਨਵੀਂ ਦਿੱਲੀ, 31 ਜੁਲਾਈ 2019 -
   ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜਿੰਦਰ ਸਿਰਸਾ ਨੇ ਪਾਕਿਸਤਾਨ ਦੇ ਖਾਲਿਸਤਾਨੀ ਸਮਰਥਕ ਗੋਪਾਲ ਚਾਵਲਾ ਨਾਲ ਆਪਣੀ ਵਾਇਰਲ ਹੋਈ ਤਸਵੀਰ 'ਤੇ ਸਪਸ਼ਟੀਕਰਨ ਦਿੰਦਿਆਂ ਉਸਨੂੰ ਸਿਰੇ ਤੋਂ ਖਾਰਜ ਕਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਸਭ ਇੱਕ ਸੋਚੀ ਸਮਝੀ ਸਾਜ਼ਿਸ਼ ਤਹਿਤ ਕੀਤਾ ਜਾ ਰਿਹਾ ਹੈ।
  ਸਿਰਸਾ ਨੇ ਸਫਾਈ ਦਿੰਦਿਆਂ ਕਿਹਾ ਕਿ ਉਹ ਇਕ ਕਮਰੇ ਵਿਚ ਬੈਠ ਕੇ ਚਾਹ ਪੀ ਰਹੇ ਸਨ ਪਰ ਉਥੇ ਅਚਾਨਕ ਚਾਵਲਾ ਪਹੁੰਚ ਗਿਆ ਤੇ ਮੁਲਾਕਾਤ ਕਰਨ ਲਈ ਆਖਣ ਲੱਗਾ। ਜਿਸ ਪਿੱਛੋਂ ਉਹ (ਸਿਰਸਾ) ਉੱਠ ਕੇ ਉੱਥੋਂ ਚਲੇ ਗਏ ਪਰ ਚਾਵਲਾ ਦੇ ਗੰਨਮੈਨ ਨੇ ਸ਼ਰਾਰਤ ਨਾਲ ਉਨ੍ਹਾਂ ਦੀ ਚਾਵਲਾ ਨਾਲ ਫੋਟੋ ਖਿੱਚ ਲਈ। ਉਨ੍ਹਾਂ ਨੇ ਚਾਵਲਾ ਨਾਲ ਕੋਈ ਮੁਲਾਕਾਤ ਨਹੀਂ ਕੀਤੀ।
ਸਿਰਸਾ ਨੇ ਕਿਹਾ ਕਿ ਇਹ ਜਾਣ ਬੁੱਝ ਕੇ ਉਨ੍ਹਾਂ ਦਾ ਅਕਸ ਵਿਗਾੜਨ ਅਤੇ ਲੋਕਾਂ ਦਾ ਧਿਆਨ ਭਟਕਾਉਣ ਦੀ ਵਜ੍ਹਾ ਨਾਲ ਕੀਤਾ ਜਾ ਰਿਹਾ ਹੈ।