ਉਨਾਂ ਕਿਹਾ ਕਿ ਜੇ ਗੁਰੂ ਸਾਹਿਬਾਨ ਇਸ ਦੇਸ਼ ਲਈ ਆਪਣੀ ਤੇ ਆਪਣੇ ਪਰਿਵਾਰ ਦੀ ਕੁਰਬਾਨੀ ਨਾ ਦਿੰਦੇ ਤਾਂ ਅੱਜ ਹਿੰਦੁਸਤਾਨ ਦਾ ਨਾਮ ਕੁੱਛ ਹੋਰ ਹੀ ਹੋਣਾ ਸੀ। ਇਥੇ ਕਿਸੇ ਹੋਰ ਹੀ ਧਰਮ ਦੇ ਝੰਡੇ ਝੁਲਣੇ ਸਨ। ਪ੍ਰਿੰ:ਸੁਰਿੰਦਰ ਸਿੰਘ ਨੇ ਕਿਹਾ ਕਿ ਖਾਸ ਤੋਰ ਤੇ ਭਾਜਪਾ ਤੇ ਹਿੰਦੂ ਜਥੇਬੰਦੀਆਂ ਨੂੰ ਚਾਹੀਦਾ ਹੈ ਕਿ ਉਹ ਵਿਸ਼ੇਸ਼ ਉਦੱਮ ਕਰਕੇ ਇਨਾਂ ਦੇਸ਼ ਤੇ ਮਾਨਵਤਾ ਵਿਰੋਧੀਆਂ ਨੂੰ ਨੱਥ ਪਾਉਣ ਲਈ ਆਪ ਹੀ ਉਦੱਮ ਕਰੇ। ਉਨਾਂ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਤੇ ਸੁਖਬੀਰ ਸਿੰਘ ਬਾਦਲ ਨੂੰ ਵੀ ਅਪੀਲ ਕੀਤੀ ਕਿ ਜਿਸ ਤਰਾਂ ਕਾਹਨ ਸਿੰਘ ਪੰਨੂ ਤੇ ਹੋਏ ਹਮਲੇ ਨੂੰ ਸਰਕਾਰ ਤੇ ਹੋਇਆ ਹਮਲਾ ਗਰਦਾਨਿਆ ਗਿਆ ਹੈ ਉਸੇ ਤਰਾਂ ਗੁਰੂ ਸਾਹਿਬਾਨ ਤੇ ਕੀਤੇ ਗਏ ਇਸ ਹਮਲੇ ਨੂੰ ਵੀ ਮਾਨਵਤਾ ਦੀ ਮੁਦੱਈ ਪੰਜਾਬ ਸਰਕਾਰ ਤੇ ਹੋਇਆ ਹਮਲਾ ਕਰਾਰ ਦੇ ਕੇ ਦੋਸ਼ੀਆਂ ਖਿਲਾਫ ਸਖਤ ਕਾਰਵਾਈ ਕੀਤੀ ਜਾਵੇ।