ਦਸਮ ਗ੍ਰੰਥੀਉ ! ਹੁਣ ਤਾਂ ਹੋਸ਼ ਕਰੋ ! ਛੱਡ ਦਿਉ ਇਸ ਨੂੰ "ਦਸਮ ਬਾਣੀ" ਕਹਿਣਾਂ !
ਸਿਰਦਾਰ ਇੰਦਰ ਸਿੰਘ ਘੱਗਾ ਜੀ ਉਤੇ ਫਿਰਕਾਪ੍ਰਸਤ ਤਾਕਤਾਂ ਪਾਸੋਂ ਦਰਜ ਦਫਾ 295-A ਦਾ ਹਸ਼ਰ ਇਹ ਹੀ ਹੋਣਾਂ ਸੀ, ਕਿਉ ਕਿ ਉਨਾਂ ਨੇ ਤਾਂ ਉਹ ਹੀ ਲਿਖਿਆ ਸੀ, ਜੋ ਹਿੰਦੂ ਧਰਮ ਗ੍ਰੰਥਾਂ ਵਿੱਚ ਲਿਖਿਆ ਹੋਇਆ ਹੈ।ਕਿਸੇ ਧਰਮ ਗ੍ਰੰਥ ਵਿੱਚ ਲਿੱਖੀ ਕਿਸੇ ਵੀ ਗੱਲ ਨੂੰ ਕੋਟ ਕਰਨਾਂ ਕੋਈ ਅਪਰਾਧ ਨਹੀ ਹੂੰਦਾ। ਇਸ ਘਟਨਾਂ ਤੋਂ ਉਨਾਂ ਕੱਟਰ ਹਿੰਦੂਵਾਦੀਆ ਨੂੰ ਕੋਈ ਸਬਕ ਮਿਲੇ ਜਾਂ ਨਾਂ ਮਿਲੇ, ਅਖੌਤੀ ਦਸਮ ਗ੍ਰੰਥ ਨੂੰ "ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੀ ਬਾਣੀ" ਕਹਿਣ ਵਾਲਿਆਂ ਨੂੰ ਸਬਕ ਜਰੂਰ ਲੈ ਲੈਣਾਂ ਚਾਹੀਦਾ ਹੈ। ਘੱਗਾ ਸਾਹਿਬ ਨੇ ਉਹ ਹੀ ਕੋਟ ਕੀਤਾ, ਜੋ ਹਿੰਦੂਆਂ ਦੇ ਧਰਮ ਗ੍ਰੰਥਾਂ ਵਿੱਚ ਲਿਖਿਆ ਹੋਇਆ ਹੈ।ਇਸੇ ਕਰਕੇ ਉਨਾਂ ਦਾ ਕੋਈ ਵਾਲ ਵੀ ਵਿੰਗਾ ਨਹੀ ਕਰ ਸਕਦਾ ਅਤੇ ਨਾਂ ਹੀ ਉਹ ਦੋਸ਼ੀ ਸਾਬਿਤ ਕੀਤੇ ਜਾ ਸਕਦੇ ਨੇ।
ਇਹ ਘਟਨਾਂ ਕੌਮ ਦੇ ਦਸਮ ਗ੍ਰੰਥੀਆਂ ਅਤੇ ਅਖੌਤੀ ਆਗੂਆਂ ਨੂੰ ਇਕ ਖੁੱਲੀ ਚੇਤਾਵਨੀ ਅਤੇ ਹਲੂਨਾਂ ਦੇ ਰਹੀ ਹੈ। ਜੇ ਇਹ ਦਸਮ ਗ੍ਰੰਥੀਏ, "ਚਰਿਤ੍ਰ ਪਾਖਿਯਾਨ" ਨਾਮਕ "ਗੰਦੀ ਅਤੇ ਗਲੀਜ" ਰਚਨਾਂ ਨੂੰ , ਗੁਰੂ ਦੀ ਲਿਖਿਤ ਰਚਨਾਂ ਕਹਿਨ ਤੋਂ ਬਾਜ ਨਹੀ ਆਂਉਦੇ, ਤਾਂ ਕਲ ਨੂੰ ਜੇ ਕੋਈ ਪੰਥ ਦੋਖੀ ਤਾਕਤਾਂ ਦਾ ਲਿਖਾਰੀ , ਗੁਰੂ ਗੋਬਿੰਦ ਸਿੰਘ ਜੀ ਬਾਰੇ , ਅਪਣੀ ਕਿਸੇ ਕਿਤਾਬ ਵਿੱਚ ਜੇ ਹੇਠਾਂ ਦਿੱਤਾ ਕੁਝ ਲਿੱਖ ਦੇਂਦਾ ਹੈ , ਤਾਂ ਸਿੱਖ ਕੀ ਕਰ ਲੈਣਗੇ ?
1- ਅਨੰਦਪੁਰ ਵਿੱਚ ਸਿੱਖ ਪੰਥ ਦੇ ਲੋਕ ਬਹੁਤ ਉਤਸਾਹ ਸਹਿਤ ਆਉਂਦੇ ਸਨ ਅਤੇ ਆਪਣੇ ਗੁਰੂ ਤੋਂ ਵਡੀਆਂ ਵਡੀਆਂ ਬਰਕਤਾਂ ਪ੍ਰਾਪਤ ਕਰ ਕੇ ਖ਼ੁਸ਼ੀ ਨਾਲ ਘਰ ਜਾਂਦੇ ਸਨ। ਇਕ ਧਨਵਾਨ ਨੂਪ (ਅਨੂਪ) ਕੌਰ ਨਾਮੀ ਇਸਤ੍ਰੀ ਆਨੰਦਪੁਰ ਨਿਵਾਸੀ ਸਿੱਖਾਂ ਦੇ ਗੁਰੂ ਉਤੇ ਮੋਹਿਤ ਹੋ ਗਈ। ................. ਅਕਾਲ-ਪੁਰਖ ਦਾ ਸਿਮਰਨ ਕਰਦਾ ਹੋਇਆ ਅਨੰਦਪੁਰ ਦਾ ਰਾਏ, ਅਨੂਪ ਕੌਰ ਦੇ ਘਰ ਪਹੁੰਚ ਗਿਆ..........ਇਸਤ੍ਰੀ ਨੇ ਸਿੱਖਾਂ ਦੇ ਗੁਰੂ ਨੂੰ ਬੇਨਤੀ ਕੀਤੀ ਕਿ ਮੈਂ ਕਾਮਦੇਵ ਤੋਂ ਹਾਰ ਚੁਕੀ ਹਾਂ। ਤੁਹਾਡੇ ਰੂਪ ਅਤੇ ਵਿਅਕਤਿਤ੍ਵ ਸਾਹਮਣੇ ਵਿਕ ਚੁਕੀ ਹਾਂ। ਤੁਸੀਂ ਮੇਰੇ ਨਾਲ ਸੰਭੋਗ ਕਰੋ......................, ਮੈਂ ਤਾਂ ਹੀ ਬਚ ਸਕਦੀ ਹਾਂ। .....ਉਹ ਰਾਏ ਸਮਝਾਉਂਦਾ ਹੈ ............. ਤੂੰ ਮੇਰੀ ਸਿੱਖ ਹੈਂ ਅਤੇ ਸਿੱਖ ਨਾਲ ਗੁਰੂ ਦੇ ਅਜਿਹੇ ਸੰਬੰਧ ਅਯੋਗ ਹਨ,.....................ਪਰ ਉਹ ਇਸਤ੍ਰੀ ਆਪਣੇ ਹਠ ਉਤੇ ਅੜੀ ਰਹਿੰਦੀ ਹੈ। ................. ਉਹ ਆਪਣੀ ਕਾਮ-ਆਤੁਰਤਾ ਦੀ ਪੂਰਤੀ ਲਈ ਬੇਨਤੀਆਂ ਕਰਦੀ ਹੈ,...............ਅੰਨੰਦਪੁਰ ਦਾ ਰਾਏ ਜਿਸਦੀ ਅਨੂਪ ਕੌਰ ਸਿੱਖ ਹੈ ....................ਅਪਣੇ ਗੁਰੂ ਨੂੰ ਕਹਿੰਦੀ ਹੈ ..............ਆਨੰਦ ਪੁਰ ਦੇ ਰਾਏ ਦਾ ਹਠ ਵੇਖ ਕੇ ਉਸ ਇਸਤ੍ਰੀ ਡਰਾਉਣ ਵਾਸਤੇ ਚੋਰ-ਚੋਰ ਕਹਿ ਕੇ ਸ਼ੋਰ ਮਚਾਉੰਦੀ ਹੈ ......... ਉਸ ਇਸਤ੍ਰੀ ਦੇ ਸੇਵਕ ਅਤੇ ਆਸ-ਪਾਸ ਦੇ ਲੋਕ ਜਾਗ ਪਏ ਅਤੇ ਉਨ੍ਹਾਂ ਨੇ ਰਾਏ ਨੂੰ ਚਾਰੇ ਪਾਸਿਓਂ ਘੇਰ ਲਿਆ।............ ਉਨ੍ਹਾਂ ਵਿਚੋਂ ਕੁਝ ਨੇ ਤਲਵਾਰਾਂ ਸੂਤ ਲਈਆਂ ਅਤੇ ਲਲਕਾਰ ਕੇ ਕਿਹਾ “ਤੈਨੂੰ ਭਜਣ ਨਹੀਂ ਦੇਵਾਂਗੇ।”........ਲੋਕਾਂ ਨੇ ਹੱਥ ਨਾਲ ਉਹਦੀ ਦਾਹੜੀ ਫੜ ਲਈ ਅਤੇ ਉਹਦੀ ਪੱਗ ਵੀ ਲਾਹ ਦਿੱਤੀ। ਸਿੱਖਾਂ ਦੇ ਗੁਰੂ ਨੂੰ ............ ਚੋਰ ਚੋਰ ਆਖਕੇ ਦੋ-ਤਿੱਨ ਸੋਟੇ ਮਾਰ ਕੇ ਫੜ ਲਿਆ।...............ਸਵੇਰੇ ਅਨੂਪ ਕੌਰ ਨੇ ਇੱਕ ਹੋਰ ਚਾਲ ਚਲੀ। ਉਸ ਨੇ ਸਿੱਖਾਂ ਦੇ ਗੁਰੂ ਦੀ ਜੁੱਤੀ ਅਤੇ ਵਿਸ਼ੇਸ਼ ਚੋਲਾ ਵਿਖਾ ਕੇ ਲੋਕਾਂ ਨੂੰ ਕਹਿ ਦਿੱਤਾ ਕਿ ਅਸਲ ਵਿੱਚ ਇਹ ਹੀ ਮੇਰੇ ਘਰ ਚੋਰੀ ਕਰਨ ਆਇਆ ਸੀ, ....( ਦਸਮ ਗ੍ਰੰਥ ਪੰਨਾ 838 ਚਰਿਤ੍ਰ 21,22,23 , ਜੋ ਸਿੱਖਾਂ ਦੇ ਗੁਰੂ ਗੋਬਿੰਦ ਸਿੰਘ ਨੇ ਆਪ ਅਪਣੀ ਹੱਡ ਬੀਤੀ ਦੇ ਰੂਪ ਵਿੱਚ ਲਿਖਿਆ ਹੈ।-ਲਿਖਾਰੀ )
ਜਾਂ ਕੋਈ ਬਿਪਰਵਾਦੀ , ਸਿੱਖ ਵਿਰੋਧੀ ਤਾਕਤਾਂ ਦਾ ਕੋਈ ਭਾੜੇ ਦਾ ਲੇਖਕ ਅਪਣੇ ਕਿਸੇ ਲੇਖ ਜਾਂ ਕਿਤਾਬ ਵਿੱਚ ਗੁਰੂ ਗੋਬਿੰਦ ਸਿੰਘ ਜੀ ਨਾਲ ਸੰਬੰਧਿਤ ਕਰਕੇ ਇਹ ਲਿਖ ਦੇਂਦਾ ਹੈ ਕਿ –
ਪਾਂਵਟਾ ਨਗਰ ਅਸੀ ਛੱਡ ਆਏ। ਉਥੇ ਸ਼ਿਕਾਰ ਕਰਕੇ ਅਸੀ ਕਾਫੀ ਸੂਅਰ (ਸੂਰ) ਮਾਰੇ............ਉਥੇ ਕਾਫੀ ਸਿੱਖ ਸਾਡੇ ਦਰਸ਼ਨਾਂ ਨੂੰ ਆਣ ਪੁਜੇ.......................ਇਨਾ
ਇਸ ਤੋਂ ਬਾਦ ਤੁਹਾਡੇ ਕੋਲ, ਕੀ ਰਸਤਾ ਬਚਦਾ ਹੈ ? ਇਹ ਹੀ ਨਾਂ ਕਿ , ਕੁਝ ਜਾਗਰੂਕ ਅਖਵਾਉਣ ਵਾਲੇ ਸਿੱਖ ਉਸ ਕਿਤਾਬ ਅਤੇ ਉਸ ਲਿਖਾਰੀ ਦੇ ਵਿਰੁਧ ਦਫਾ 295-ਏ ਦੇ ਤਹਿਤ ਪਰਚਾ ਦਾਖਿਲ ਕਰ ਦੇਣ ਗੇ। ਉਹ ਲੇਖਕ ਬ ਇਜੱਤ ਬਰੀ ਹੋ ਜਾਵੇਗਾ, ਕਿਉਕਿ ਉਹ ਅਦਾਲਤ ਵਿੱਚ ਇਹ ਸਾਬਿਤ ਕਰ ਦੇਵੇਗਾ ਕਿ, "ਇਹ ਤਾਂ ਸਿੱਖਾਂ ਦੇ ਗੁਰੂ ਦੇ ਲਿੱਖੇ ਧਰਮ ਗ੍ਰੰਥ, ਜਿਸ ਦਾ ਨਾਮ “ਸ਼੍ਰੀ ਦਸਮ ਗ੍ਰੰਥ” ਹੈ, ਉਸ ਵਿੱਚ ਲਿਖਿਆ ਹੈ, ਜਿਸਨੂੰ , ਗੁਰੂ ਗ੍ਰੰਥ ਸਾਹਿਬ ਦੇ ਬਰਾਬਰ ਹੀ ਸਿੱਖ ਸਤਕਾਰ ਦੇਂਦੇ ਹਨ ਅਤੇ ਦੋ ਤਖਤਾਂ ਤੇ ਗੁਰੂ ਗ੍ਰੰਥ ਸਾਹਿਬ ਦੇ ਬਰਾਬਰ ਇਸਦਾ ਪ੍ਰਕਾਸ਼ ਕਰਦੇ ਹਨ। ਇਹ ਸਭ ਤਾਂ ਉਸ ਵਿੱਚ ਲਿਖਿਆ ਹੋਇਆ ਹੈ, ਅਤੇ ਮੈ ਤਾਂ ਉਸ ਵਿਚੋਂ ਹੀ ਇਹ ਸਭ ਕੁਝ ਕੋਟ ਕੀਤਾ ਹੈ । ਮੈਂ ਅਪਣੇ ਕੋਲੋਂ ਤਾਂ ਕੁਝ ਵੀ ਨਹੀ ਲਿਖਿਆ....." । ਸਿੱਖਾਂ ਦਾ ਵਕੀਲ ਕਹੇਗਾ ਕਿ “ਬਹੁਤ ਸਾਰੇ ਸਿੱਖ ਇਸ ਕਿਤਾਬ ਨੂੰ ਗੁਰੂ ਦੀ ਰਚਨਾਂ ਨਹੀ ਮਣਦੇ ਅਤੇ ਇਹ ਸਿੱਖਾਂ ਦਾ ਧਰਮਗ੍ਰੰਥ ਨਹੀ ਹੈ” । ਪੰਥ ਦੋਖੀਆਂ ਦਾ ਵਕੀਲ ਕਹੇਗਾ , “ਇਹ ਵਕੀਲ ਸਾਹਿਬ ਝੂਠ ਬੋਲਦੇ ਨੇ। ਇਨਾਂ ਦੇ ਅਕਾਲ ਤਖਤ ਦਾ ਜੱਥੇਦਾਰ ਵੀ ,ਇਹ ਮਣਦਾ ਹੈ ਕਿ ਇਹ ਗੁਰੂ ਗੋਬਿੰਦ ਸਿੰਘ ਜੀ ਦੀ ਲਿਖਤ ਹੈ”। ਇਹ ਕਹਿ ਕੇ ਉਹ ਗਿਆਨੀ ਗੁਰਬਚਨ ਸਿੰਘ ਦੀ ਤਕਰੀਰ ਵਾਲੀ ਸੀ. ਡੀ. ਜੱਜ ਸਾਹਿਬ ਨੂੰ ਦੇ ਕੇ ਕਹੇਗਾ ਕਿ, "ਇਸ ਨੂੰ ਸਬੂਤ ਵੱਜੋਂ ਦਰਜ ਕੀਤਾ ਜਾਏ, ਜਿਸ ਵਿਚ ਇਨਾਂ ਦੇ ਅਕਾਲ ਤਖਤ ਦਾ ਜੱਥੇਦਾਰ ਕਹਿ ਰਿਹਾ ਹੈ ਕਿ, “ਜੋ ਵਿਸ਼ਾ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਹੈ, ਉਹੀ ਵਿਸ਼ਾ ਦਸਮ ਗ੍ਰੰਥ ਦਾ ਹੈ”, “ਇਸ ਨੂੰ ਕਿਤਾਬ ਨਾਂ ਕਹੋ ! ਇਹ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੀ ਲਾਜਵਾਬ ਕਾਵ ਰਚਨਾਂ ਹੈ , ਜੋ ਸਿੱਖ ਨੂੰ ਸਿਪਾਹੀ ਬਨਾਉਣ ਦੀ ਸਿਖਿਆ ਦੇਂਦਾ ਹੈ.....”ਆਦਿਕ । ਸਿੱਖਾਂ ਦਾ ਵਕੀਲ ਇਹ ਕਹੇਗਾ ਕਿ “ਮੀ ਲਾਰਡ, ਇਹ ਇਕ ਵਿਅਕਤੀ ਵਿਸ਼ੇਸ਼ ਦੀ ਰਾਏ ਹੋ ਸਕਦੀ ਹੈ , ਪੂਰੇ ਪੰਥ ਦੀ ਰਾਏ ਨਹੀ ਹੋ ਸਕਦੀ। ਗਿਆਨੀ ਗੁਰਬਚਨ ਸਿੰਘ ਕੋਈ ਪੰਥ ਜਾਂ ਗੁਰੂ ਨਹੀ , ਜਿਸ ਦੀ ਤਕਰਿਰ ਦਾ ਹਵਾਲਾ ਮੇਰੇ ਵਿਦਵਾਨ ਮਿਤੱਰ ਨੇ ਸਬੂਤ ਵੱਜੋਂ ਪੇਸ਼ ਕਿਤਾ ਹੈ।“ਪੰਥ ਦੋਖੀਆਂ ਦਾ ਵਕੀਲ ਠਹਾਕਾ ਮਾਰ ਕੇ ਹੱਸੇਗਾ ਅਤੇ ਕਹੇਗਾ ,” ਮੀ ਲਾਰਡ ! ਇਹ ਇਕ ਵਿਅਕਤੀ ਵਿਸ਼ੇਸ਼ ਦੀ ਰਾਏ ਨਹੀ ਹੈ, ਪੂਰੀ ਸਿੱਖ ਕੌਮ ਇਸਦੀਆਂ ਬਾਣੀਆਂ “ਨਿਤਨੇਮ” ਦੇ ਰੂਪ ਵਿੱਚ ਰੋਜਾਨਾਂ ਪੜ੍ਹਦੀ ਹੈ ਅਤੇ ਸਿੱਖ ਬਨਣ ਲਈ ਜੋ ਇਨਾਂ ਵਿੱਚ “ਅੰਮ੍ਰਿਤ” ਛਕਾਇਆ ਜਾਂਦਾ ਹੈ ਉਸ ਵਿੱਚ ਵੀ ਇੱਸੇ ਗ੍ਰੰਥ ਦੀਆਂ ਬਾਣੀਆਂ ਪੜ੍ਹ ਕੇ ਹੀ ਸਿੱਖ ਬਣਦਾ ਹੈ । ਇਸ ਗ੍ਰੰਥ ਦੀਆਂ ਬਾਣੀਆਂ ਤੋਂ ਬਿਨਾਂ ਤਾਂ ਸਿੱਖ ਹੀ ਨਹੀ ਬਣ ਸਕਦਾ।“....... "ਇਹ ਕਿਵੇਂ ਕਹਿ ਰਹੇ ਨੇ ਕਿ ਇਹ ਕਿਸੇ ਇਕ ਵਿਅਕਤੀ ਦੀ ਰਾਏ ਹੈ , ਜੋ ਪੂਰੀ ਕੌਮ ਤੇ ਲਾਗੂ ਨਹੀ ਹੋ ਸਕਦੀ ? "
ਪੰਥ ਦੋਖੀਆਂ ਦੇ ਵਕੀਲ ਦੀ ਇਸ ਜਿਰਹ ਨੂੰ ਸੁੱਣ ਕੇ ਜੱਜ ਸਾਹਿਬ ਇਹ ਫੈਸਲਾ ਦੇਣਗੇ, ”ਆਰਡਰ ! ਆਰਡਰ ! , ਸਿੱਖਾਂ ਨੇ .........ਕੁਮਾਰ ਉੱਤੇ ਜੋ ਦਫਾ 295-ਏ ਦੇ ਤਹਿਤ ਇਹ ਮੁਕੱਦਮਾਂ ਦਾਖਿਲ ਕੀਤਾ ਹੈ , ਉਸ ਨੂੰ ਖਾਰਿਜ ਕੀਤਾ ਜਾਂਦਾ ਹੈ ।...........ਕੁਮਾਰ ਨੂੰ ਬ ਇਜੱਤ ਬਰੀ ਕੀਤਾ ਜਾਂਦਾ ਹੈ। ਸਿੱਖਾਂ ਨੂੰ ਇਹ ਵੀ ਤਾਕੀਦ ਕੀਤੀ ਜਾਂਦੀ ਹੈ ਕਿ ਇਹੋ ਜਹੇ ਬੇ ਫਜੂਲ ਮੁਕੱਦਮੇ ਦਾਖਿਲ ਕਰਕੇ ਅਦਾਲਤ ਦਾ ਸਮਾਂ ਖਰਾਬ ਨਾਂ ਕਰਿਆ ਕਰਨ।"
ਇੰਦਰ ਜੀਤ ਸਿੰਘ, ਕਾਨਪੁਰ
ਹੁਣ , ਗਿਆਨੀ ਗੁਰਬਚਨ ਸਿੰਘ, ਲਾਂਬਾ ਜੀ , ਹਰਭਜਨ ਸਿੰਘ, ਧਰਮੂ ਨੰਗ, ਗੁਰਪ੍ਰੀਤ ਸਿੰਘ ਕੈਲੇਫੋਰਨੀਆਂ .....ਵਰਗੇ ਹਜਾਰਾਂ ਦਸਮ ਗ੍ਰੰਥੀਆਂ ਕੋਲ ਇਨਾਂ ਪੰਥ ਦੋਖੀਆਂ ਦੀ ਜੁਬਾਨ ਬੰਦ ਕਰਾਂਣ ਲਈ, ਹੋਰ ਕੇੜ੍ਹਾ ਹੀਲਾ ਜਾਂ ਤਰੀਕਾ ਰਹਿ ਜਾਵੇਗਾ ?
ਇਨਾਂ ਦਸ਼ਮ ਗ੍ਥੀਆਂ ਨੂੰ ਤਾਂ ਕੋਈ ਫਰਕ ਨਹੀ ਪੈਂਣਾਂ, ਕਿਉ ਕਿ ਇਹ ਤਾਂ ਸਾਰੇ ਇਸ “ਕੂੜ ਕਿਤਾਬ” ਦੇ “ਪ੍ਰਮੋਟਰ” ਹਨ ਅਤੇ ਇਸਨੂੰ ਪ੍ਰਮੋਟ ਕਰ ਕੇ ਹੀ ਅਪਣਾਂ ਢਿੱਡ ਭਰ ਰਹੇ ਨੇ । । ਲੇਕਿਨ ਪੰਥ ਦਰਦੀ ਸਿੱਖ ਜੀਉਦੇ ਜੀ ਹੀ ਮਰ ਜਾਂਣਗੇ, ਜਦੋਂ ਸਰੇਆਮ ਇਹ ਪੰਥਦੋਖੀ ਲਿਖਾਰੀ ਆਏ ਦਿਨ ਅਪਣੀਆ ਲਿਖਤਾਂ ਵਿੱਚ ਸਰਬੰਸਦਾਨੀ ਗੁਰੂ ਨੂੰ “ਅਸ਼ਲੀਲ ਰਚਨਾਵਾਂ ਲਿੱਖਣ ਵਾਲਾ”, “ਕਾਲਕਾ ਦੇਵੀ ਦਾ ਪੁਜਾਰੀ” ,“ਸੂਰਜ ਅਤੇ ਚੰਦ੍ਰਮਾਂ ਨੂੰ ਅਵਤਾਰ” ਦਸਣ ਵਾਲਾ, “ਸ਼ਰਾਬ , ਭੰਗ ਅਤੇ ਅਫੀਮ ਵਰਗੇ ਨਸ਼ਿਆ ਦੀ ਪੈਰਵੀ ਕਰਨ ਵਾਲਾ” , “ ਨਿਰੰਕਾਰ ਕਰਤੇ ਦੀ ਥਾਂਵੇ ਤੀਰ ,ਤੁਬਕ ਅਤੇ ਤਲਵਾਰ ਨੂੰ ਸਿੱਖਾਂ ਦਾ ਪੀਰ” ਕਹਿਣ ਵਾਲਾ .....ਆਦਿਕ ,ਇਸ ਕੂੜ ਕਿਤਾਬ ਨੂੰ ਕੋਟ ਕਰਦਿਆਂ ਆਏ ਦਿਨ ਲਿਖਤਾਂ ਲਿਖਣ ਗੇ।
ਹੁਣ ਇਹ ਸਭ ਕੁਝ “ਕੇਸਾਧਾਰੀ ਬ੍ਰਾਹਮਣ" ਜਾਂ ਅਕਾਲ ਤਖਤ ਦਾ ਹੇਡ ਗ੍ਰੰਥੀ ਗੁਰਬੱਚਨ ਸਿੰਘ ਨਹੀ ਕਹਿ ਰਿਹਾ ਹੋਵੇਗਾ। ਇਹ ਤਾਂ ਹੁੰਣ ਹਿੰਦੁਸਤਾਨ ਦੇ ਸਕੂਲਾਂ ਵਿੱਚ ਪੜ੍ਹਾਈਆਂ ਜਾਣ ਵਾਲੀਆਂ ਕਿਤਾਬਾਂ ਵਿੱਚ ਲਿਖਿਆ ਹੋਇਆ ਮਿਲੇਗਾ। ਇਨਾਂ ਕੋਰਸ ਦੀ ਕਿਤਾਬਾਂ ਵਿੱਚ ਇਨਾਂ ਲੇਖਾਂ ਵਿੱਚ, ਗਿਆਨੀ ਗੁਰਬਚਨ ਸਿੰਘ, ਗੁਰਸ਼ਰਣ ਜੀਤ ਸਿੰਘ ਲਾਂਬਾ, ਹਰਭਜਨ ਸਿੰਘ ਵਰਗੇ ਦਸਮ ਗ੍ਰੰਥੀਆਂ .... ਦਾ ਨਾਮ ਕੋਟ ਕੀਤਾ ਹੋਇਆ ਮਿਲੇਗਾ। ਇਸ ਤਰ੍ਹਾਂ ਕੌਮ ਦਾ ਬੇੜਾ ਡੋਬ ਦਿਤਾ ਜਾਵੇਗਾ, ਅਤੇ ਅਸੀ ਇਕ ਪਾਸੇ ਹੱਥ ਤੇ ਹੱਥ ਰੱਖ ਕੇ, ਚੁਪ ਚਾਪ ਖੜੇ, ਇਹ ਸਾਰਾ ਨਜਾਰਾ ਆਪ ਵੇਖਦੇ ਰਹਾਂਗੇ । ਉਸ ਵੇਲੇ ਸਾਡੇ ਹੱਥ ਵਿੱਚ ਕੁਝ ਵੀ ਨਹੀ ਰਹਿ ਜਾਵੇਗਾ।ਕਿਉ ਕਿ ਅਸੀ ਤਾਂ ਆਪ ਹੀ ਇਸ ਨੂੰ ਅਪਣੇ ਗੁਰੂ ਦੀ ਬਾਣੀ ਕਹਿ ਕਹਿ ਕੇ ਇਸ ਉੱਤੇ " "ਦਸਮ ਦੀ ਬਾਣੀ " ਦੀ ਮੁਹਰ ਲਾ ਚੁਕੇ ਹਾਂ।