2014 ਦੀਆਂ ਭਾਰਤੀ ਲੋਕ-ਸਭਾ ਚੋਣਾਂ ਅਤੇ ਜੱਟ ਭਾਈਚਾਰਾ
    2014 ਵਿਚ ਭਾਰਤੀ ਲੋਕ-ਸਭਾ ਦੀ ਚੋਣ ਹੋਣ ਵਾਲੀ ਹੈ , ਪੰਜਾਬ ਵਿਚ ਇਕ ਬੰਨੇ ਕਾਂਗਰਸ ਅਤੇ ਦੂਜੇ ਬੰਨੇ ਬੀ. ਜੇ. ਪੀ. ਬਾਦਲ ਦੇ ਮੋਢਿਆਂ ਤੇ ਚੜੀ ਹੋਈ । ਬਾਕੀ ਸਾਰੀਆਂ ਪਾਰਟੀਆਂ ਤਾਂ ਨਾ ਦੇ ਬਰਾਬਰ ਹੀ ਹਨ । ਕੁਝ ਆਜ਼ਾਦ ਉਮੀਦਵਾਰ ਵੀ ਹੋਣਗੇ । ਪੀ. ਪੀ. ਪੀ, ਦਾ ਤਾਂ ਵਿਧਾਨ-ਸਭਾ ਦਾ ਵੀ
ਖਾਤਾ ਨਹੀਂ ਖੁਲ੍ਹਾ ਸੀ , ਲੋਕ ਸਭਾ ਵਿਚ ਕੀ ਖੁਲ੍ਹਣਾ ? ਕਾਂਗਰਸ ਨੂੰ ਸਿੱਖਾਂ ਵਿਚ ਬਦਨਾਮ ਕਰ ਕੇ , ਬਾਦਲ ਦੇ ਮੋਢਿਆਂ ਤੇ ਚੜ੍ਹੀ ਬੀ. ਜੇ. ਪੀ. ਸਭ ਤੋਂ
ਵੱਧ ਫਾਇਦੇ ਵਿਚ ਹੈ , ਵਰਨਾ ਇਸ ਦੀਆਂ ਵੀ ਪੰਜਾਬ ਵਿਧਾਨ-ਸਭਾ ਵਿਚ ਇਕ-ਦੋ ਸੀਟਾਂ ਹੀ ਹੁੰਦੀਆਂ ਸਨ । ਬਾਦਲ ਨੇ ਬੀ. ਜੇ. ਪੀ. ਦੇ ਪ੍ਰਧਾਨ-ਮੰਤ੍ਰੀ
ਉਮੀਦਵਾਰ (ਨਰਿੰਦਰ ਮੋਦੀ) ਨੂੰ ਪੰਜਾਬ ਵਿਚਲੀ ਚੋਵ ਰੈਲੀ ਵਿਚ “ ਪੰਜਾਬ ਦਾ ਸਰਤਾਜ ” ਖਿਤਾਬ ਨਾਲ ਨਿਵਾਜ ਕੇ ਸਾਬਤ ਕਰ ਦਿੱਤਾ ਹੈ ਕਿ ਜੇ ਗਿਆਨੀ ਗੁਰਬਚਨ ਸਿੰਘ , ਉਸ ਦਾ ਝੋਲੀ-ਚੁਕ , ਉਸ ਨੂੰ ਫਕਰੇ-ਕੌਮ ਦਾ ਖਿਤਾਬ ਦੇ ਸਕਦਾ ਹੈ ਤਾਂ ਉਹ ਵੀ ਕਿਸੇ ਨਾਲੋਂ ਘੱਟ ਨਹੀਂ । ਇਸ ਤਰ੍ਹਾ ਬਾਦਲ ਨੇ ਸਾਫ ਕਰ ਦਿੱਤਾ ਹੈ ਕਿ , ਉਸ ਦੀ ਪਾਲਿਸੀ ਵਿਚ ਕੋਈ ਤਬਦੀਲੀ ਨਹੀਂ ਹੋਵੇਗੀ , ਉਸ ਦਾ ਬੀ. ਜੇ. ਪੀ. ਨਾਲ ਮੀਆਂ ਬੀਵੀ ਵਾਲਾ ਰਿਸ਼ਤਾ ਹੋਰ ਪੱਕਾ ਹੋਵੇਗਾ ।
   ਪਰ ਮੈਂ ਇਹ ਸਾਰੀਆਂ ਗੱਲਾਂ ਕਿਉਂ ਲਿਖ ਰਿਹਾ ਹਾਂ ? ਮੇਰਾ ਵਿਸ਼ਾ , ਇਹ ਤਾਂ ਨਹੀਂ , ਕਿਉਂਕਿ ਮੈਂ ਤਾਂ ਬਹੁਤ ਪਹਿਲਾਂ ਹੀ ਇਸ ਗੰਦਗੀ ਭਰੇ ਮੈਦਾਨ ਨੂੰ ਤਿਆਗ ਚੁੱਕਾ ਹਾਂ । ਹੁਣ ਤਾਂ ਮੇਰੀ ਸੋਚ ਸਿਰਫ ਪੰਥ ਦੇ ਭਵਿੱਖ ਤਕ ਹੀ ਸੀਮਿਤ ਹੋ ਗਈ ਹੈ , ਉਸ ਹਿਸਾਬ ਮੈਨੂੰ ਖਾਲੀ ਸਿੱਖਾਂ ਬਾਰੇ ਹੀ ਲਿਖਣਾ ਬਣਦਾ ਹੈ । 
  ਸ. ਪ੍ਰਕਾਸ਼ ਸਿੰਘ ਬਾਦਲ ਨੇ ਪਹਿਲਾਂ ਸ਼੍ਰੋਮਣੀ ਕਮੇਟੀ ਦੀ ਚੋਣ , ਸੰਤ-ਸਮਾਜ ਸਮੇਤ , ਅਕਾਲੀ ਦਲ ਵਲੋਂ ਲੜ ਕੇ , ਸ਼੍ਰੋਮਣੀ ਕਮੇਟੀ ਤੇ ਆਪਣਾ ਪਰਚਮ ਬੜੀ ਸ਼ਾਨ ਨਾਲ ਲਹਿਰਾਇਆ । ਫਿਰ ਉਸ ਨੇ ਵਿਧਾਨ-ਸਭਾ ਦੀਆਂ ਚੋਣਾਂ , ਪੰਜਾਬੀ ਪਾਰਟੀ ਵਲੋਂ ਲੜ ਕੇ , ਦੂਸਰਿਆਂ ਦਾ ਲੱਕ ਤੋੜਿਆ । ਕੁਝ ਦਿਨਾਂ ਮਗਰੋਂ ਹੀ ਉਸ ਨੇ ਪੰਜਾਬੋਂ ਬਾਹਰ ਡੀ. ਐਸ. ਜੀ. ਪੀ. ਸੀ. ਦੀਆਂ ਚੋਣਾਂ ਅਕਾਲੀ ਦਲ ਦੇ ਬੈਨਰ ਥੱਲੇ ਲੜ ਕੇ ਸਰਨਾ ਜੀ ਨੂੰ ਨਾਨੀ ਚੇਤੇ ਕਰਵਾ ਦਿੱਤੀ । ਹੁਣ ਫਿਰ ਪੰਜਾਬੀ ਪਾਰਟੀ ਵਲੋਂ ਲੋਕ ਸਭਾ ਦੀਆਂ ਚੋਣਾਂ ਲੜਨ ਦੀ ਵਾਰੀ ਆ ਗਈ ਹੈ ।
  ਸਹਿਜੇ ਹੀ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ ਕਿ , ਜੱਟ ਭਾਈ-ਚਾਰੇ ਨੇ ਉਨ੍ਹਾਂ ਨੂੰ , ਨਿਰ-ਵਿਵਾਦ ਰੂਪ ਵਿਚ ਆਪਣਾ ਆਗੂ ਮੰਨ ਲਿਆ ਹੈ । ਵੈਸੇ ਜੱਟਾਂ ਵਿਚ ਕੁਝ ਹੋਰ ਬਰਾਦਰੀਆਂ ਵੀ ਸ਼ਾਮਲ ਹੋ ਗਈਆਂ ਹਨ , ਮਿਸਾਲ ਵਜੋਂ ਕਿਸੇ ਵੇਲੇ ਦੇ ਰਾਜੇ , ਜਿਨ੍ਹਾਂ ਨੂੰ ਰਾਜ-ਪੂਤ ਕਿਹਾ ਜਾਂਦਾ ਸੀ , ਉਹ ਸਾਰੇ ਵੀ ਅੱਜ ਜੱਟ ਹੋ ਗਏ ਹਨ , ਇਵੇਂ ਸਿੱਖਾਂ ਵਿਚ ਜੱਟਾਂ ਦੀ ਗਿਣਤੀ ਅੱਧੋਂ ਟੱਪ ਗਈ ਹੈ । ਲੋਕ ਸਭਾ ਚੋਣਾਂ ਵਿਚ ਸਾਰੇ ਬਾਦਲ ਦਾ ਹੀ ਸਾਥ ਦੇਣਗੇ ।
ਸੰਸਥਾਗਤ ਢਾਂਚੇ ਤੇ ਬਾਦਲ ਦੀ ਮਜ਼ਬੂਤ ਪਕੜ ਹੋਣ ਕਰ ਕੇ , ਹੋਰ ਬਰਾਦਰੀਆਂ ਦੀਆਂ ਵੋਟਾਂ ਵੀ ਬਾਦਲ ਦਲ ਨੂੰ ਲਾਜ਼ਮੀ ਮਿਲਣਗੀਆਂ । ਇਵੇਂ ਉਸ ਦੀ ਪਾਰਟੀ (ਪੰਜਾਬੀ-ਪਾਰਟੀ + ਅਕਾਲੀ-ਦਲ) ਬੀ. ਜੇ. ਪੀ. ਨਾਲ ਮਿਲ ਕੇ ਵੱਡੀ ਜਿੱਤ ਪਰਾਪਤ ਕਰੇਗੀ । ਇਸ ਦੀਆਂ ਬਹੁਤੀਆਂ ਵੋਟਾਂ ਤਾਂ ਇਸ ਦਾ ਸੰਤ ਸਮਾਜ ਘੇਰੀ ਰਖਦਾ ਹੈ ।
   ਇਸ ਜਿੱਤ ਦਾ ਪੰਜਾਬ ਦੀ ਜੰਤਾ , ਖਾਸ ਕਰ ਜੱਟਾਂ ਤੇ ਬਹੁਤ ਅਸਰ ਪਵੇਗਾ । ਜਿੱਤਣ ਵਾਲੇ ਦੀ ਤਾਂ ਚਾਲ-ਢਾਲ , ਕਾਰ-ਵਿਹਾਰ ਦੀ ਬਦਲ ਜਾਂਦਾ ਹੈ , ਫਿਰ ਉਨ੍ਹਾਂ ਜੱਟਾਂ ਦਾ ਤਾਂ ਕਹਿਣਾ ਹੀ ਕੀ , ਜੋ ਲਗਾਤਾਰ ਤੀਹ ਸਾਲ ਤੋਂ ਛਿੱਤਰ ਖਾਂਦੇ ਵੀ , ਸਟੇਜਾਂ ਤੋਂ ਗਾਉਂਦੇ ਹਨ “ ਕਿਹੜਾ ਜੰਮ ਪਿਆ ਸੂਰਮਾ , ਜਿਹੜਾ ਜੱਟ ਦੀ ਬੜ੍ਹਕ ਨੂੰ ਰੋਕੇ ” । ਇਸ ਜਿੱਤ ਨਾਲ ਸ਼ਰਾਬ ਅਤੇ ਹੋਰ ਨਸ਼ਿਆਂ ਦੀ ਖਪਤ ਵੀ  ਵਧ ਜਾਵੇਗੀ , ਸਿਰਾਂ ਤੋਂ ਪੱਗਾਂ ਅਤੇ ਚੁਨੀਆਂ ਹੋਰ ਗਾਇਬ ਹੋ ਜਾਣਗੀਆਂ , ਨਾਵਾਂ ਨਾਲੋਂ ਸਿੰਘ ਅਤੇ ਕੌਰ ਵੀ ਗਿਣਤੀ ਦੇ ਹੀ ਰਹਿ ਜਾਣਗੇ , ਲੋਕਾਂ ਦੀਆਂ ਕੁੜੀਆਂ ਉਧਾਲਣ ਦਾ ਰਿਵਾਜ ਵੀ ਜ਼ੋਰਾਂ ਤੇ ਹੋ ਜਾਵੇਗਾ , ਸੰਤਾਂ-ਮਹਾਂਪੁਰਖਾਂ-ਬ੍ਰਹਮਗਿਆਨੀਆਂ ਦੀ ਫਸਲ ਖੁੰਬਾਂ ਵਾਙ ਪੈਦਾ ਹੋਵੇਗੀ । ਵੈਸੇ ਤਾਂ ਸਿੱਖੀ ਦਾ ਕਰੀਬ-ਕਰੀਬ ਭੋਗ ਪੈ ਹੀ ਗਿਆ ਹੈ , ਰਹਿੰਦੀ-ਖੂੰਦੀ ਕਸਰ ਇਸ ਜਿੱਤ ਨਾਲ ਪੂਰੀ ਹੋ ਜਾਵੇਗੀ ।
   ਪਰ ਸਾਰੇ ਜੱਟ ਤਾਂ ਇਸ ਖਾਤੇ ਵਿਚ ਨਹੀਂ ਪਾਏ ਜਾ ਸਕਦੇ , ਇਨ੍ਹਾਂ ਵਿਚੋਂ ਕੁਝ ਤਾਂ ਮੇਰੇ ਲਈ ਸਕੇ ਭਰਾਵਾਂ ਵਰਗੇ  , ਮਿਤ੍ਰਾਂ-ਦੋਸਤਾਂ ਸਮਾਨ ਹਨ , ਜਦੋਂ ਮੈਂ ਉਨ੍ਹਾਂ ਬਾਰੇ ਸੋਚਦਾ ਹਾਂ ਤਾਂ ਸੁਭਾਵਕ ਹੀ ਉਨ੍ਹਾਂ ਦੇ ਭਵਿੱਖ ਬਾਰੇ ਫਿਕਰ ਹੁੰਦਾ ਹੈ । ਬਾਦਲ ਅਤੇ ਉਸ ਦੀ ਜੁੰਡਲੀ ਤਾਂ ਮਾਇਆ-ਧਾਰੀ ਹੋ ਗਈ ਹੈ , ਪਰ ਇਹ ਵਿਚਾਰੇ ਤਾਂ ਸਾਡੇ ਵਰਗੇ ਕਿਰਤੀ ਹੀ ਹਨ।    ਗੁਰੂ ਸਾਹਿਬ ਫਰਮਾਉਂਦੇ ਹਨ ,

                      ਮਾਇਆਧਾਰੀ ਅਤਿ ਅੰਨਾ ਬੋਲਾ ॥ (313)
    ਇਕ ਤਾਂ ਹੁੰਦਾ ਹੈ ਅੰਨਾ , ਜਿਸ ਨੂੰ ਦਿਸਦਾ ਨਹੀਂ ਹੈ , ਇਕ ਹੁੰਦਾ ਹੈ ਬੋਲਾ , ਜਿਸ ਨੂੰ ਕੁਝ ਸੁਣਦਾ ਨਹੀਂ ਹੈ , ਪਰ ਮਾਇਆਧਾਰੀੰ ਅੱਖਾਂ ਅਤੇ ਕੰਨ ਹੁੰਦੇ
ਵੀ , ਅੰਨਾ ਅਤੇ ਬੋਲਾ ਹੁੰਦਾ ਹੈ , ਉਹ ਵੀ ਅੱਤ ਦਾ , ਪਰਲੇ ਦਰਜੇ ਦਾ । ਉਸ ਨੂੰ ਮਾਇਆ ਦੀ ਚਮਕ ਤੋਂ ਬਗੈਰ , ਕੁਝ ਵੀ ਨਹੀਂ ਦਿਸਦਾ , ਅਤੇ ਮਾਇਆ ਦੀ ਖਣਕ ਤੋਂ ਬਗੈਰ ਕੁਝ ਵੀ ਨਹੀਂ ਸੁਣਦਾ ।  
   ਇਹੀ ਹਾਲਤ ਬਾਦਲ ਜੁੰਡਲੀ ਦੀ , ਸਮੇਤ ਉਸ ਦੇ ਰਿਸ਼ਤੇਦਾਰਾਂ , ਸੰਤ-ਯੂਨੀਅਨ , ਰਾਧਾ-ਸਵਾਮੀਆਂ , ਨਿਰੰਕਾਰੀਆਂ , ਨਾਮ-ਧਾਰੀਆਂ , ਸਰਸਾ-ਸਾਧ ਦੇ ਇੰਸਾਂ ਦੀ ਹੈ । ਜਦ ਗੁਰੂ ਹੀ ਅੰਨ੍ਹੇ ਹੋਣ ਤਾਂ ਚੇਲਿਆਂ ਵੀ ਅੰਨ੍ਹਿਆਂ ਵਾਲੇ ਕੰਮ ਹੀ ਕਰਨੇ ਹਨ । (ਪਿਛਲੇ ਦਿਨੀਂ ਇਕ ਗੁਰਦਵਾਰੇ ਵਿਚ ਬੱਚਿਆਂ ਦੀ , ਗੁਰਮਤਿ ਬਾਰੇ ਪ੍ਰੀਖਿਆ ਹੋ ਰਹੀ ਸੀ , ਪ੍ਰੀਖਿਆ ਲੈਣ ਵਾਲੇ ਨੇ ਇਕ ਬੱਚੇ ਨੂੰ ਸਵਾਲ ਕੀਤਾ “ ਸਿੱਖਾਂ ਦਾ ਗੁਰੂ ਕੌਣ ਹੈ ? ” ਬੱਚੇ ਨੇ ਬੜੇ ਤਪਾਕ ਨਾਲ ਜਵਾਬ ਦਿੱਤਾ  “ਪ੍ਰਕਾਸ਼ ਸਿੰਘ ਬਾਦਲ ” ਅਜਿਹੀ ਹਾਲਤ ਵਿਚ ਇਨ੍ਹਾਂ ਵਿਚਾਰਿਆਂ ਨੂੰ ਹਿੰਦੂ ਬਣਦਿਆਂ ਬਹੁਤਾ ਸਮਾ ਨਹੀਂ ਲੱਗਣਾ ।   
    ਜਦ ਇਹ ਪ੍ਰਕਾਸ਼ ਚੰਦ , ਸੁਖਬੀਰ ਦਾਸ ਹਿੰਦੂ ਹੋ ਜਾਣਗੇ , ਤਾਂ ਬ੍ਰਾਹਮਣ ਦੀ ਵਰਨ-ਵੰਡ ਅਨੁਸਾਰ , ਇਹ ਕਿਹੜੀ ਜਾਤੀ ਵਿਚ ਆਉਣਗੇ ? ਸਾਫ ਹੈ ਇਹ ਜਿਸ ਜਾਤੀ ਵਿਚੋਂ ਨਿਕਲੇ ਸਨ , ਓਸੇ ਵਿਚ ਹੀ ਆਉਣਗੇ , ਅਤੇ ਇਹ ਸ਼ੂਦਰਾਂ ਵਿਚੋਂ ਹੀ ਸੱਖ ਬਣੇ ਸਨ , ਸੋ ਸ਼ੂਦਰਾਂ ਵਿਚ ਹੀ ਵਾਪਸ ਚਲੇ ਜਾਣਗੇ । ਹਿੰਦੂਆਂ ਦੀ ਰਹਿਤ-ਮਰਯਾਦਾ ਮਨੂ-ਸਿਮ੍ਰਤੀ ਹੈ, ਉਸ ਅਨੁਸਾਰ ਇਨ੍ਹਾਂ ਦਾ ਕੀ ਹਾਲ ਹੋਵੇਗਾ ? ਸੁਭਾਵਕ ਹੀ ਇਨ੍ਹਾਂ ਨੂੰ ਪੜ੍ਹਨ-ਲਿਖਣ ਦੀ ਖੇਚਲ ਨਹੀਂ ਕਰਨੀ ਪਵੇਗੀ . ਕਿਉਂਕਿ ਹਿੰਦੂਆਂ ਵਿਚ , ਸ਼ੁਦਰ ਨੂੰ ਪੜ੍ਹਨ-ਲਿਖਣ ਦੀ ਇਜਾਜ਼ਿਤ ਨਹੀਂ ਹੈ , ਜੇ ਸ਼ੁਦਰ ਪੜ੍ਹਦਾ ਮਿਲ ਜਾਵੇ ਤਾਂ ਉਸ ਦੀ ਜ਼ਬਾਨ ਵੱਢ ਦਿੱਤੀ ਜਾਂਦ ਹੈ , ਜੇ ਕੋਈ ਸ਼ੂਦਰ , ਗਿਆਨ ਦੀ ਗੱਲ ਸੁਣਦਾ ਮਿਲ ਜਾਵੇ ਤਾਂ ਉਸ ਦੇ ਕੰਨਾਂ ਵਿਚ , ਸਿੱਕਾ ਢਾਲ ਕੇ ਪਾ ਦਿੱਤਾ ਜਾਂਦਾ ਹੈ । (ਸ਼ੰਬੂਕ ਅਤੇ ਏਕਲਵਯ ਇਸ ਦੀ ਜਿਉਂਦੀ-ਜਾਗਦੀ ਮਿਸਾਲ ਹਨ)
    ਜਿਸ ਮਾਇਆ ਦੇ ਨਸ਼ੇ ਵਿਚ ਅੱਜ ਇਹ ਅੰਨੇ-ਬੋਲੇ ਹੋਏ ਪਏ ਹਨ , ਮਨੂ-ਸਿਮ੍ਰਤੀ ਅਨੁਸਾਰ ਸ਼ੂਦਰਾਂ ਨੂੰ ਉਹ ਵੀ ਰੱਖਣ ਦਾ ਹੱਕ ਨਹੀਂ ਹੈ , ਮਨੂ-ਸਿਮ੍ਰਤੀ ਅਨੁਸਾਰ ਦੁਨੀਆ ਵਿਚ ਸਾਰਾ ਕੁਝ ਬ੍ਰਾਹਮਣ ਦਾ ਹੈ , ਸੋ ਬ੍ਰਾਹਮਣ (ਨਰਿੰਦਰ-ਮੋਦੀ) ਨੇ ਇਨ੍ਹਾਂ ਕੋਲੋਂ ਆਪਣਾ ਮਾਲ (ਜੋ ਇਨ੍ਹਾਂ ਨੇ ਦੂਸਰਿਆਂ ਨੂੰ ਲੁੱਟ-ਲੁੱਟ ਕੇ ਇਕੱਠਾ ਕੀਤਾ ਹੈ) ਵਾਪਸ ਲੈ ਲੈਣਾ ਹੈ ।
  ਬਾਕੀ ਰਹਿ ਗਈ ਗੱਲ , ਪਿੰਡ ਦੀ ਗਲੀ ਵਿਚੋਂ ਲੱਕ ਨਾਲ ਝਾੜੂ ਬੰਨ੍ਹ ਕੇ ਨਿਕਲਣ ਦੀ , (ਤਾਂ ਜੋ ਗਲੀ ਦੀ ਸਫਾਈ ਹੁੰਦੀ ਰਹੇ ਅਤੇ ਇਨ੍ਹਾਂ ਦੀ ਪੈੜ ਨਾਲ ਲਗ ਕੇ , “ ਪੰਜਾਬ ਦਾ ਸਰਤਾਜ ” ਮੋਦੀ ਭਿੱਟਿਆ ਨਾ ਜਾਵੇ) ਉਹ ਤਾਂ ਜਦ ਬੰਦੇ ਕੋਲ ਪੈਸੇ ਨਾ ਰਹਿ ਜਾਣ , ਵਿਦਿਆ ਨਾ ਹੋਵੇ ਤਾਂ ਉਹ ਆਪੇ ਹੀ ਮੰਨ ਜਾਂਦਾ ਹੈ , ਜਿਵੇਂ ਅੱਜ ਬਾਦਲ ਦੂਸਰਿਆਂ ਨੂੰ ਮਨਾਉਣਾ ਚਾਹੁੰਦਾ ਹੈ । ਵੈਸੇ ਅਕਿਰਤ-ਘਣ ਲਈ ਇਹ ਕੋਈ ਵੱਡੀ ਸਜ਼ਾ ਨਹੀਂ ਹੋਵੇਗੀ ।
    ਮੈਨੂੰ ਤਾਂ ਫਿਕਰ ਹੈ ਉਨ੍ਹਾਂ ਲੋਕਾਂ ਦਾ ਜੋ , ਕਣਕ ਦੇ ਨਾਲ ਘੁਣ ਵਾਙ ਪਿਸ ਜਾਣਗੇ । ਯਾਨੀ ਉਨ੍ਹਾਂ ਜੱਟਾਂ ਦੀ , ਜੋ ਸਿੱਖੀ ਨੂੰ ਬਚਾਉਣ ਲਈ ਸਿਰ-ਧੜ ਦੀ ਬਾਜ਼ੀ ਲਗਾ ਰਹੇ ਹਨ । ਬਾਦਲ ਬੰਧੂਆਂ ਦੀ ਵੀ ਐਸ਼ ਤਦ ਤਕ ਹੀ ਹੈ , ਜਦ ਤਕ ਸਿੱਖੀ ਜਿਉਂਦੀ ਹੈ । ਸਿੱਖੀ ਦੇ ਖਤਮ ਹੁੰਦਿਆਂ ਹੀ , ਬਾਦਲ ਬੰਧੂਆਂ ਦੀ ਉਪਰ ਦੱਸੀ ਹਾਲਤ ਵੱਲ ਵਧਣ ਦੀ ਪੁੱਠੀ ਗਿਣਤੀ ਸ਼ੁਰੂ ਹੋ ਜਾਵੇਗੀ ।
    ਖੈਰ ਕੋਈ ਗੱਲ ਨਹੀਂ ਮੇਰੇ ਵੀਰੋ , ਤੁਸੀਂ ਅਜੇ ਤਾਂ ਬਾਦਲ-ਦਲ ਨੂੰ ਵੋਟ ਪਾਵੋ , ਤੁਹਾਡੀਆਂ ਇਕ-ਦੋ ਪੀੜ੍ਹੀਆਂ ਤਾਂ ਏਦਾਂ ਹੀ ਐਸ਼ ਕਰਨਗੀਆਂ , ਇਸ ਦੇ ਮਗਰੋਂ ਹੀ ਸਾਰਾ ਕੁਝ ਬਦਲਣਾ ਹੈ । ਤੁਸੀਂ ਕੋਈ ਫਿਕਰ ਨਾ ਕਰੋ , ਜੋ ਕੁਝ ਵੀ ਤੁਸੀਂ ਆਪਣੇ ਬੱਚਿਆਂ ਨੂੰ ਵਿਰਾਸਤ ਵਿਚ ਦੇ ਜਾਵੋਗੇ , ਉਹ ਉਸ ਨੂੰ ਆਪੇ ਹੀ ਭੁਗਤ ਲੈਣਗੇ । ਇਕ ਗੱਲ ਹੋਰ ਬੜੀ ਫਿਕਰ ਵਾਲੀ ਹੈ ਕਿ , ਅੱਜ ਤਾਂ ਤੁਹਾਡੇ ਮਹਾਨ ਵਿਦਵਾਨ , ਗੁਰਮਤਿ ਵਲੋਂ ਅਖਾਂ ਮੀਟਕੇ ਤੁਹਾਨੂੰ ਇਹ ਪੜ੍ਹਾ ਰਹੇ ਹਨ ਕਿ ਮਰਨ ਮਗਰੋਂ ਕੋਈ ਲੇਖਾ-ਜੋਖਾ ਨਹੀਂ ਹੁੰਦਾ , ਪਰ ਬ੍ਰਾਹਮਣ ਦੇ ਨਿਯਮ ਅਨੁਸਾਰ ਤਾਂ ਉਹ ਵੀ ਭੁਗਤਣਾ ਪੈ ਜਾਣਾ ਹੈ । ਪਰ ਤੁਸੀਂ ਫਿਰ ਵੀ ਕੋਈ ਫਿਕਰ ਨਾ ਕਰੋ , ਬ੍ਰਾਹਮਣ ਕੋਲ ਰੱਬ ਨੂੰ ਬੁਧੂ ਬਣਾ ਕੇ ਤੁਹਾਨੂੰ ਬਚਾਉਣ ਦੇ ਬਹੁਤ ਉਪਾਅ ਹਨ ।
                                                                                                  ਅਮਰ ਜੀਤ ਸਿੰਘ ਚੰਦੀ