ਆਈਐਸ ਨੇ ਅਮਰੀਕੀ ਜਾਸੂਸਾਂ ਨੂੰ ਜਾਨਵਰਾਂ ਦੀ ਤਰ੍ਹਾਂ ਵੱਢ ਕੇ ਮਨਾਈ ਈਦ
ਦਮਿਸ਼ਕ, 15 ਸਤੰਬਰ (ਪੰਜਾਬ ਮੇਲ)- ਆਈਐਸ ਦਾ ਇਕ ਹੋਰ ਦਿਲ ਦਹਿਲਾ ਦੇਣ ਵਾਲਾ ਵੀਡੀਓ ਸਾਹਮਣੇ ਆਇਆ ਹੈ। ‘ਦ ਮੇਕਿੰਗ ਆਫ਼ ਇਲਯੂਸ਼ਨ’ ਨਾਂਅ ਦੇ ਇਸ ਵੀਡੀਓ ਵਿਚ ਕੈਦੀਆਂ ਨੂੰ ਮੀਟ ਹੁੱਕ ਨਾਲ ਉਲਟਾ ਲਟਕਾਉਂਦੇ ਹੋਏ ਦਿਖਾਇਆ ਗਿਆ ਹੈ ਅਤੇ ਬਾਅਦ ਵਿਚ ਉਨ੍ਹਾਂ ਦੀ ਗਰਦਨ ਰੇਤ ਦਿੱਤੀ ਗਈ। ਅਜਿਹਾ ਹੀ ਕੁਝ 2015 ਵਿਚ ਆਈ ਟੌਮ ਕਰੂਸ ਅਤੇ ਸਿਮੋਨ ਪੇਗ ਦੀ ਹਾਲੀਵੁੱਡ ਫ਼ਿਲਮ ‘ਮਿਸ਼ਨ ਇੰਪੌਸਿਬਲ : ਰੋਗ ਨੇਸ਼ਨ’ ਵਿਚ ਵੀ ਦਿਖਾਇਆ ਗਿਆ ਸੀ।
ਆਈਐਸ ਨੇ ਇਸ ਕੰਮ ਨੂੰ ਨਾਰਥ-ਈਸਟਰਨ ਦੇ ਦੀਰ-ਐਜ-ਜੋਰ ਇਲਾਕੇ ਦੇ ਇਕ ਬੁੱਚੜਖਾਨੇ ਵਿਚ ਅੰਜ਼ਾਮ ਦਿੱਤਾ।
ਵੀਡੀਓ ਵਿਚ ਇਕ ਕੈਦੀ ਨੂੰ ਅਮਰੀਕੀ ਜਾਸੂਸ ਵੀ ਦੱਸਿਆ ਜਾ ਰਿਹਾ ਹੈ। ਹਿਊਮਨ ਰਾਈਟਸ ਗਰੁੱਪ ਚਲਾਉਣ ਵਾਲੇ ਅਬੂ ਮੁਹੰਮਦ ਨੇ ਇਸ ਨੂੰ ਹੁਣ ਤੱਕ ਦਾ ਸਭ ਤੋਂ ਭਿਆਨਕ ਵੀਡੀਓ ਦੱਸਿਆ ਹੈ। ਇਸ ਦੇ ਮੁਤਾਬਕ ਚਿੱਟੇ ਕੱਪੜੇ ਪਾਈ ਇਕ ਵਿਅਕਤੀ ਅਪਣੇ ਦੋਵੇਂ ਹੱਥਾਂ ਵਿਚ ਹੁੱਕ ਨਾਲ ਲਟਕਾ ਕੇ ਦੋ ਕੈਦੀਆਂ ਨੂੰ ਲਿਜਾ ਰਿਹਾ ਹੈ। ਬੁਚੜਖਾਨੇ ਵਿਚ ਕੈਦੀਆਂ ਨੂੰ ਮਾਰਨ ਤੋਂ ਬਾਅਦ ਜ਼ਮੀਨ ‘ਤੇ ਉਨ੍ਹਾਂ ਦਾ ਖੂਨ ਉਸੇ ਤਰ੍ਹਾਂ ਫੈਲ ਗਿਆ ਜਿਵੇਂ ਜਾਨਵਰਾਂ ਦਾ ਫੈਲਿਆ ਹੁੰਦਾ ਹੈ। ਜਿਹੜੇ ਕੈਦੀਆਂ ਦਾ ਗਲ਼ਾ ਕੱਟਿਆ ਜਾਣਾ ਸੀ, ਉਨ੍ਹਾਂ ਹੁੱਕ ਨਾਲ ਲਟਕਾ ਦਿੱਤਾ ਗਿਆ। ਫੁਟੇਜ ਵਿਚ ਗਲ਼ਾ ਕੱਟਣ ਵਾਲਾ ਅੱਤਵਾਦੀ ਚਾਕੂ ਲਈ ਨਜ਼ਰ ਆ ਰਿਹਾ ਹੈ। 12 ਮਿੰਟ ਦੇ ਇਸ ਵੀਡੀਓ ਵਿਚ ਆਈਐਸ ਵਲੋਂ ਕੀਤੀਆਂ ਪਹਿਲੀ ਹੱਤਿਆਵਾਂ ਨੂੰ ਦਿਖਾਇਆ ਗਿਆ ਹੈ।