ਪੋਲਿੰਗ ਬੂਥ ‘ਤੇ ਬਿਕਰਮ ਮਜੀਠੀਆ ਤੇ ਲਾਲੀ ਮਜੀਠੀਆ ‘ਚ ਤਿੱਖੀ ਬਹਿਸ

Posted On 04 Feb 2017

By : Punjab Mail USA

ਮਜੀਠਾ, 4 ਫਰਵਰੀ (ਪੰਜਾਬ ਮੇਲ)- ਮਜੀਠਾ ਹਲਕੇ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਅਤੇ ਸੀਨੀਅਰ ਆਗੂ ਬਿਕਰਮ ਸਿੰਘ ਮਜੀਠੀਆ ਦੀ ਅਤੇ ਕਾਂਗਰਸ ਦੇ ਉਮੀਦਵਾਰ ਲਾਲੀ ਮਜੀਠੀਆ ਦੀ ਪੋਲਿੰਗ ਬੂਥ ਵਿਚ ਤਿੱਖੀ ਬਹਿਸ ਹੋ ਗਈ। ਦਰਅਸਲ ਕਾਂਗਰਸੀ ਉਮੀਦਵਾਰ ਲਾਲੀ ਮਜੀਠੀਆ ਪੋਲਿੰਗ ਸਟੇਸ਼ਨ ਦੇ ਅੰਦਰ ਹੀ ਆਪਣੀਆਂ ਗੱਡੀਆਂ ਲੈ ਕੇ ਪਹੁੰਚ ਕੇ ਜਿਸ ਤੇ ਬਿਕਰਮ ਮਜੀਠੀਆ ਨੇ ਉਨ੍ਹਾਂ ਨੂੰ ਆਪਣੇ ਕਾਫਲੇ ਦੀਆਂ ਗੱਡੀਆ ਬਾਹਰ ਲਿਜਾਣ ਲਈ ਕਿਹਾ ਜਿਸ ਤੋਂ ਬਾਅਦ ਦੋਵਾਂ ਆਗੂਆਂ ਵਿਚਾਲੇ ਤਿੱਖੀ ਬਹਿਸ ਹੋ ਗਈ। ਇਸ ਦੌਰਾਨ ਉਥੇ ਮੌਜੂਦ ਸੁਰੱਖਿਆ ਕਰਮਚਾਰੀਆਂ ਨੇ ਦੋਵਾਂ ਆਗੂਆਂ ਨੂੰ ਸ਼ਾਂਤ ਕਰਕੇ ਲਾਲੀ ਮਜੀਠੀਆ ਦੀ ਗੱਡੀਆਂ ਪੋਲਿੰਗ ਸਟੇਸ਼ਨ ਤੋਂ ਬਾਹਰ ਕਰਵਾ ਦਿੱਤੀਆਂ।