ਰਾਸ਼ਟਰਪਤੀ ਬਣਨ ਤੋਂ ਬਾਅਦ ਟਰੰਪ ‘ਤੇ 52 ਮੁਕੱਦਮੇ ਦਰਜ

Posted On 08 Feb 2017

By : Punjab Mail USA

ਵਾਸ਼ਿੰਗਟਨ, 8 ਫਰਵਰੀ (ਪੰਜਾਬ ਮੇਲ)- ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਅਹੁਦਾ ਸੰਭਾਲਣ ਤੋਂ ਬਾਅਦ ਕਰੀਬ 52 ਮੁਕੱਦਮਿਆਂ ‘ਚ ਉਨ੍ਹਾਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ। ਇਕ ਰਿਪੋਰਟ ਅਨੁਸਾਰ ਅਮਰੀਕੀ ਅਦਾਲਤਾਂ ਦੇ ਪ੍ਰਸ਼ਾਸਨਿਕ ਵਿਭਾਗ ਦੇ ਮੁਤਾਬਿਕ 20 ਜਨਵਰੀ ਨੂੰ ਅਹੁਦਾ ਸੰਭਾਲਣ ਤੇ ਸਹੁੰ ਚੁੱਕਣ ਤੋਂ ਬਾਅਦ ਟਰੰਪ ਦਾ ਨਾਂਅ 17 ਵੱਖ-ਵੱਖ ਰਾਜਾਂ ‘ਚ ਦਾਇਰ ਕੀਤੇ ਮੁਕੱਦਮਿਆਂ ‘ਚ ਦਰਜ ਹੈ। ਟਰੰਪ ਦੇ ਮੁਕਾਬਲੇ ਓਬਾਮਾ ਸਿਰਫ਼ 3 ਮੁਕੱਦਮਿਆਂ ‘ਚ ਅਤੇ ਜਾਰਜ ਡਬਲਯੂ ਬੁਸ਼ ਤੇ ਬਿਲ ਕਲਿੰਟਨ ਨੂੰ 4-4 ਮੁਕੱਦਮਿਆਂ ‘ਚ 20 ਜਨਵਰੀ ਤੋਂ 1 ਫ਼ਰਵਰੀ ਦੌਰਾਨ ਨਾਮਜ਼ਦ ਕੀਤਾ ਗਿਆ ਸੀ।