ਅਮਿਤਾਭ ਬਾਰੇ ਇਹ ਕੀ ਬੋਲ ਗਏ ਯੂ.ਪੀ ਦੇ ਮੁੱਖ ਮੰਤਰੀ
ਗੁਜਰਾਤ ਦੇ ਗਧਿਆਂ ਦਾ ਪ੍ਰਚਾਰ ਨਾ ਕਰਨ ਅਮਿਤਾਬ – ਅਖਿਲੇਸ਼
ਲਖਨਊ, 20 ਫਰਵਰੀ (ਪੰਜਾਬ ਮੇਲ)- ਉੱਤਰ ਪ੍ਰਦੇਸ਼ ਦਾ ਚੋਣ ਦੰਗਲ ਪੂਰੀ ਤਰ੍ਹਾਂ ਭਖਿਆ ਹੋਇਆ ਹੈ। ਲੀਡਰਾਂ ਵੱਲੋਂ ਇੱਕ-ਦੂਜੇ ‘ਤੇ ਸਿਆਸੀ ਬਿਆਨਬਾਜ਼ੀ ਦਾ ਦੌਰ ਜਾਰੀ ਹੈ। ਇਸ ਦੌਰਾਨ ਹੀ ਯੂਪੀ ਦੇ ਮੁੱਖ ਮੰਤਰੀ ਅਖਿਲੇਸ਼ ਯਾਦਵ ਨੇ ਗੁਜਰਾਤ ਟੂਰਿਜ਼ਮ ਲਈ ਪ੍ਰਚਾਰ ਕਰਨ ਦੇ ਚੱਲਦੇ ਬਾਲੀਵੁੱਡ ਮਹਾਂਨਾਇਕ ਅਮਿਤਾਬ ਬੱਚਨ ਨੂੰ ਸਲਾਹ ਦਿੰਦਿਆਂ ਵੱਡਾ ਬਿਆਨ ਦਿੱਤਾ ਹੈ। ਅਖਿਲੇਸ਼ ਨੇ ਬੱਚਨ ਦਾ ਨਾਮ ਲੈਂਦਿਆਂ ਕਿਹਾ ਕਿ ਗਧਿਆਂ ਦਾ ਪ੍ਰਚਾਰ ਨਾ ਕਰਨ।
ਅਖਿਲੇਸ਼ ਯਾਦਵ ਨੇ ਗਧਿਆਂ ਬਹਾਨੇ ਗੁਜਰਾਤ ਤੇ ਅਮਿਤਾਬ ਬੱਚਨ ‘ਤੇ ਹਮਲਾ ਬੋਲਿਆ ਹੈ। ਉਨ੍ਹਾਂ ਆਪਣੇ ਭਾਸ਼ਣ ‘ਚ ਬਾਲੀਵੁੱਡ ਦੇ ਮਹਾਂਨਾਇਕ ਅਮਿਤਾਬ ਬੱਚਨ ਦਾ ਨਾਮ ਲੈ ਕੇ ਕਿਹਾ, “ਮੈਂ ਸਦੀ ਦੇ ਮਹਾਂਨਾਇਕ ਨੂੰ ਅਪੀਲ ਕਰਾਂਗਾ ਕਿ ਉਹ ਗੁਜਰਾਤ ਦੇ ਗਧਿਆਂ ਦਾ ਪ੍ਰਚਾਰ ਨਾ ਕਰਨ।”
ਜਿਕਰਯੋਗ ਹੈ ਕਿ ਗੁਜਰਾਤ ਟੂਰਿਜ਼ਮ ਦਾ ਪ੍ਰਚਾਰ ਅਮਿਤਾਬ ਬੱਚਨ ਨੇ ਕੀਤਾ ਹੈ, ਜਿਸ ‘ਚ ਗਧਿਆਂ ਬਾਰੇ ਵੀ ਦੱਸਿਆ ਗਿਆ ਹੈ।
ਇਸ ਦੌਰਾਨ ਅਖਿਲੇਸ਼ ਨੇ ਗੁਜਰਾਤ ਟੂਰਿਜ਼ਮ ਦੇ ਇਸ਼ਤਿਹਾਰ ਦੀ ਪੂਰੀ ਸਕਰਿਪਟ ਪੜ੍ਹ ਦਿੱਤੀ। ਉਹ ਇਸ ਦੌਰਾਨ ਚੁਟਕੀ ਲੈਂਦੇ ਰਹੇ। ਇਹ ਪਹਿਲੀ ਵਾਰ ਹੈ ਕਿ ਮੁੱਖ ਮੰਤਰੀ ਅਖਿਲੇਸ਼ ਨੇ ਚੋਣ ਭਾਸ਼ਨ ‘ਚ ਅਮਿਤਾਬ ਬੱਚਨ ਦਾ ਨਾਮ ਲਿਆ ਹੈ।