ਓਬਾਮਾ ਦੀ ਲੋਕਪ੍ਰਿਯਤਾ ਅਜੇ ਵੀ ਕਾਇਮ

Posted On 26 Feb 2017

By : Punjab Mail USA

ਨਿਊਯਾਰਕ ‘ਚ ਓਬਾਮਾ ਨੂੰ ਵੇਖ ਸਮਰਥਕਾਂ ਨੇ ਪਾਇਆ ਭੰਗੜਾ
ਨਿਊਯਾਰਕ, 26 ਫਰਵਰੀ (ਪੰਜਾਬ ਮੇਲ) – ਇਕ ਪਾਸੇ ਅਮਰੀਕਾ ਨੇ ਨਵੇਂ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਅਪਣੇ ਦੇਸ਼ ਵਿਚ ਕਈ ਜਗ੍ਹਾਂ ‘ਤੇ ਵਿਰੋਧ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਦੇ ਉਲਟ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਦੀ ਲੋਕਪ੍ਰਿਯਤਾ ਅਜੇ ਵੀ ਕਾਇਮ ਹੈ। ਵਾਈਟ ਹਾਊਸ ਛੱਡਣ ਤੋਂ ਬਾਅਦ ਓਬਾਮਾ ਪਰਿਵਾਰ ਦੇ ਨਾਲ ਛੁੱਟੀਆਂ ਬਿਤਾ ਰਹੇ ਸੀ। ਨਿਊਯਾਰਕ ਦੇ ਮੈਨਹਟਨ ਵਿਚ ਇਕ ਬਿਲਡਿੰਗ ਵਿਚ ਉਨ੍ਹਾਂ ਦੇਖਿਆ ਗਿਆ। ਅਪਣੇ ਚਹੇਤੇ ਰਾਸ਼ਟਰਪਤੀ ਨੂੰ ਅਪਣੇ ਵਿਚ ਵੇਖ ਕੇ ਲੋਕ ਖੁਸ਼ੀ ਨਾਲ ਨੱਚਣ ਲੱਗੇ। ਨਿਊਯਾਰਕ ਦੇ ਲੋਕਾਂ ਦੇ ਬਾਰੇ ਵਿਚ ਆਮ ਤੌਰ ‘ਤੇ ਕਿਹਾ ਜਾਂਦਾ ਹੈ ਕਿ ਇੱਥੇ ਲੋਕਾਂ ਵਿਚ ਪ੍ਰਮੁੱਖ ਹਸਤੀ ਨੂੰ ਲੈ ਕੇ ਜ਼ਿਆਦਾ ਕਰੇਜ਼ ਨਹੀਂ ਰਹਿੰਦਾ। ਇਸ ਤੋਂ ਅਲੱਗ ਓਬਾਮਾ ਦੇ ਲਈ ਲੋਕਾਂ ਨੇ ਜ਼ੋਰਦਾਰ ਤਾੜੀਆਂ ਵਜਾਈਆਂ। ਸਾਬਕਾ ਰਾਸ਼ਟਪਤੀ ਨੇ ਵੀ ਸਾਰਿਆਂ ਵੱਲ ਵੇਖਦੇ ਹੋਏ ਹੱਥ ਹਿਲਾਇਆ ।