ਪੁਸਤਕ ‘ਸੁਣ ਵੇ ਮਾਹੀਆ’ ਕੀਤੀ ਲੋਕ ਅਰਪਣ

ਪੰਜਾਬ ਟਾਈਮਜ ਤੇ ਸਿੱਖ ਸੇਵਕ ਸੁਸਾਇਟੀ ਨੇ ਸਨਮਾਨ ਨਾਲ ਨਿਵਾਜਿਆ
ਪ੍ਰੋ. ਕਰਮਜੀਤ ਕੌਰ ਕਿਸ਼ਾਂਵਲ ਨੇ ਇਸ ਮੌਕੇ ਜਿੱਥੇ ਰਜਿੰਦਰ ਸਿੰਘ ਪੁਰੇਵਾਲ ਯੂਕੇ ਦਾ ਧੰਨਵਾਦ ਕੀਤਾ, ਉ¤ਥੇ ਕਿਹਾ ਕਿ ਪੰਜਾਬੀ ਸਾਹਿਤ ਅਵਾਮ ਨਾਲੋਂ ਟੁੱਟ ਰਿਹਾ ਹੈ, ਜਦਕਿ ਸਮੂਹ ਅਦੀਬਾਂ, ਸ਼ਾਇਰਾਂ ਤੇ ਪੱਤਰਕਾਰਾਂ ਨੂੰ ਸਾਂਝੇ ਤੌਰ ’ਤੇ ਆਪਣੀ ਕਲਮ ਦਾ ਆਧਾਰ ਪੰਜਾਬ ਦੇ ਕੁਦਰਤੀ ਵਿਕਾਸ, ਪੰਜਾਬ ਦੀਆਂ ਸਮੱਸਿਆਵਾਂ ਨੂੰ ਬਣਾਉਣਾ ਚਾਹੀਦਾ। ਸਾਨੂੰ ਪੰਜਾਬ ਦੀ ਕੌਮ ਦੀ ਉਸਾਰੀ ਲਈ ਅੱਗੇ ਵਧਣਾ ਚਾਹੀਦਾ, ਜਿਸ ਵਿੱਚ ਹਿੰਦੂ, ਸਿੱਖ, ਮੁਸਲਿਮ ਇਸਾਈ ਤੇ ਦਲਿਤ ਭਾਈਚਾਰਾ ਇੱਕ ਨਜ਼ਰ ਆਵੇ, ਤਾਂ ਜੋ ਪੰਜਾਬੀਆਂ ਨੂੰ ਦੁਬਾਰਾ ਸੰਤਾਪ ਨਾ ਝੱਲਣਾ ਪਵੇ। ਉਨ੍ਹਾਂ ਕਿਹਾ ਕਿ ਗੁਰੂ ਗ੍ਰੰਥ ਸਾਹਿਬ ਦੀ ਵਿਚਾਰਧਾਰਾ ਹੀ ਪੰਜਾਬੀ ਏਕਤਾ ਤੇ ਕੌਮ ਦਾ ਆਧਾਰ ਬਣ ਸਕਦੀ ਹੈ, ਕਿਉਂਕਿ ਸਰਬੱਤ ਦੇ ਭਲੇ ਦਾ ਸੁਨੇਹਾ ਗੁਰੂ ਗ੍ਰੰਥ ਸਾਹਿਬ ਵਿੱਚ ਮੌਜੂਦ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਪੁਸਤਕ ਵਾਲਾ ਮਾਹੀਆ ਲੋਕ ਗੀਤਾ ਵਾਲਾ ਰੁਮਾਂਟਿਕ ਪਾਤਰ ਨਹੀਂ, ਇਹ ਕ੍ਰਾਂਤੀਕਾਰੀ ਨਾਇਕ ਹੈ, ਜੋ ਸਮਾਜ ਵਿੱਚ ਸੁਧਾਰ, ਰਾਜਨੀਤੀ ਵਿੱਚ ਜਮਹੂਰੀਅਤ, ਲੋਕਤੰਤਰ ਤੇ ਸਰਬੱਤ ਹਿੱਤ ਅਤੇ ਅਜ਼ਾਦੀ ਚਾਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਆਪਣੀ ਪੁਸਤਕ ਗੁਰੂਆਂ ਦੀ ਸ਼ਾਇਰੀ ਤੋਂ ਪ੍ਰਭਾਵਿਤ ਹੋ ਕੇ ਲਿਖੀ ਹੈ, ਜਿਸ ਵਿੱਚ ਅਵਾਮ ਦੀਆਂ ਸਮੱਸਿਆਵਾਂ ਤੇ ਭ੍ਰਿਸ਼ਟ ਤੰਤਰ ਨੂੰ ਉਜਾਗਰ ਕੀਤਾ ਹੈ।
ਸ. ਰਜਿੰਦਰ ਸਿੰਘ ਪੁਰੇਵਾਲ ਯੂ.ਕੇ. ਨੇ ਕਿਹਾ ਕਿ ਪ੍ਰੋ. ਕਰਮਜੀਤ ਕੌਰ ਕਿਸ਼ਾਂਵਲ ਪੰਜਾਬੀ ਕਾਵਿ ਸੰਸਾਰ ’ਚ ਗੁਰਮਤਿ ਵਿਚਾਰਧਾਰਾ ਨੂੰ ਆਧਾਰ ਬਣਾ ਕੇ ਕ੍ਰਾਂਤੀਕਾਰੀ ਵਿਚਾਰਧਾਰਾ ਪ੍ਰਗਟਾਉਣ ਵਾਲੀ ਪਹਿਲੀ ਕਵਿਤਰੀ ਹੈ, ਜਿਸ ਨੇ ਸਾਮਾਜਿਕ ਤੇ ਰਾਜਨੀਤਕ ਨਿਘਾਰ ’ਤੇ ਤਿੱਖੀਆਂ ਟੀਕਾ ਟਿੱਪਣੀਆਂ ਕੀਤੀਆਂ ਹਨ। ਉਨ੍ਹਾਂ ਨੇ ਪ੍ਰੋ. ਕਰਮਜੀਤ ਦੀ ‘ਸੁਣ ਵੇ ਮਾਹੀਆ’ ਸਾਰੀ ਪੁਸਤਕ ਪੜ੍ਹੀ ਹੈ। ਉਨ੍ਹਾਂ ਕਿਹਾ ਕਿ ਉਹ ਪ੍ਰੋ. ਕਰਮਜੀਤ ਕੌਰ ਦੀ ਪੁਸਤਕ ‘ਸੁਣ ਵੇ ਮਾਹੀਆ’ ਪੰਜਾਬੀ ਸ਼ਾਇਰੀ ਦੇ ਇਤਿਹਾਸ ਵਿੱਚ ਵਿਲੱਖਣ ਪੂਰਨੇ ਪਾਏਗੀ। ਵੱਡੀ ਗੱਲ ਇਹ ਹੈ ਕਿ ਇਹ ਸ਼ਾਇਰੀ ਗੁਰੂਆਂ ਦੀ ਸੋਚ ਨੂੰ ਸਮਰਪਿਤ ਹੈ। ਉਨ੍ਹਾਂ ਕਿਹਾ ਕਿ ਪ੍ਰੋ. ਕਰਮਜੀਤ ਤੋਂ ਆਸ ਰੱਖਦੇ ਹਾਂ ਕਿ ਉਹ ਲਗਾਤਾਰ ਪੰਜਾਬ ਤੇ ਸਿੱਖ ਸਮੱਸਿਆਵਾਂ ਨੂੰ ਆਧਾਰ ਬਣਾ ਕੇ ਸ਼ਾਇਰੀ ਰਾਹੀਂ ਅਵਾਮ ਨੂੰ ਨਵੀਂ ਸੇਧ ਦੇਣਗੇ। ਪੰਜਾਬ ਟਾਈਮਜ਼ ਅਦਾਰਾ ਉਨ੍ਹਾਂ ਨੂੰ ਲਗਾਤਾਰ ਸਹਿਯੋਗ ਦੇਣ ਦਾ ਵਾਅਦਾ ਕਰਦਾ ਹੈ।
ਇਸ ਮੌਕੇ ਸ਼ ਇਕਬਾਲ ਸਿੰਘ ਸਾਬਕਾ ਡੀ.ਆਈ.ਜੀ. ਨੇ ਕਿਹਾ ਕਿ ਪ੍ਰੋ. ਕਰਮਜੀਤ ਕੌਰ ਕਿਸ਼ਾਂਵਲ ਪੰਜਾਬੀ ਕਾਵਿ ਸੰਸਾਰ ਵਿਚ ਨਵੇਂ ਪੂਰਨੇ ਪਾਏਗੀ ਤੇ ਆਸ ਕਰਦੇ ਹਾਂ ਕਿ ਉਹ ਗੁਰਬਾਣੀ ਦੀ ਵਿਚਾਰਧਾਰਾ ਨੂੰ ਲੈ ਕੇ ਪੰਜਾਬੀ ਏਕਤਾ ਤੇ ਗੁਰੂਆਂ ਦੇ ਪੰਜਾਬ ਦੀ ਸਿਰਜਣਾ ਵਿੱਚ ਆਪਣਾ ਯੋਗਦਾਨ ਪਾਵੇਗੀ।
ਇਸ ਮੌਕੇ ਪਰਮਿੰਦਰ ਪਾਲ ਸਿੰਘ ਖਾਲਸਾ, ਸੁਰਿੰਦਰਪਾਲ ਸਿੰਘ ਪੁਰੇਵਾਲ ਯੂਕੇ, ਜਰਨੈਲ ਸਿੰਘ ਬੁੱਟਰ, ਸੁਰਿੰਦਰ ਪਾਲ ਸਿੰਘ ਗੋਲਡੀ, ਹਰਿਭਜਨ ਸਿੰਘ ਦਈਆ ਆਦਿ ਮੌਜੂਦ ਸਨ।