23 ਮਾਰਚ ਦੀ ਛੁੱਟੀ ਬਾਰੇ ਸਾਰਾ ਦਿਨ ਪਿਆ ਰਿਹਾ ਭੰਬਲਭੂਸਾ , ਨਹੀਂ ਹੋਈ ਛੁੱਟੀ
By : ਬਾਬੂਸ਼ਾਹੀ ਬਿਊਰੋ
Thursday, Mar 22, 2018 09:55 PM
-
23 ਮਾਰਚ ਦੀ ਛੁੱਟੀ ਬਾਰੇ ਸਾਰਾ ਦਿਨ ਪਿਆ ਰਿਹਾ ਭੰਬਲਭੂਸਾ
ਚੰਡੀਗੜ੍ਹ, 22 ਮਾਰਚ , 2018 : ਕੱਲ੍ਹ ਨੂੰ ਸ਼ਹੀਦ ਭਗਤ ਸਿੰਘ ਦੇ ਸ਼ਹੀਦੀ ਦਿਨ ਤੇ ਪੰਜਾਬ ਸਰਕਾਰ ਦੀ ਛੁੱਟੀ ਹੋਈ ਕਿ ਨਹੀਂ ? ਇਸ ਮਾਮਲੇ ਤੇ ਸਾਰਾ ਦਿਨ ਭੰਬਲਭੂਸਾ ਪਿਆ ਰਿਹਾ . ਬਾਅਦ ਦੁਪਹਿਰ ਸੋਸ਼ਲ ਮੀਡੀਆ ਤੇ ਇਹ ਖ਼ਬਰ ਫੈਲ ਗਈ ਕਿ ਪੰਜਾਬ ਸਰਕਾਰ ਨੇ 23 ਮਾਰਚ ਦੀ ਜਨਤਕ ਛੁੱਟੀ ਐਲਾਨ ਦਿੱਤੀ ਹੈ . ਇਕ ਪ੍ਰਮੁੱਖ ਪੰਜਾਬੀ ਅਖ਼ਬਾਰ ਦੇ ਆਉਣ ਲਾਈਨ ਐਡੀਸ਼ਨ ਨੇ ਇਹ ਖ਼ਬਰ ਚਲਾ ਦਿੱਤੀ . ਇੱਥੋਂ ਤੱਕ ਸੋਸ਼ਲ ਮੀਡੀਆ ਤੇ ਮੁੱਖ ਮੰਤਰੀ ਦਫ਼ਤਰ ਦੇ ਬੁਲਾਰੇ ਦੇ ਹਵਾਲੇ ਨਾਲ ਬਾਕਾਇਦਾ ਖ਼ਬਰ ਵਾਟ੍ਸ-ਐਪ ਤੇ ਘੁਮਾਈ ਗਈ ਜੋ ਕਿ ਸਹੀ ਨਹੀਂ ਸੀ .
ਇਸ ਮਾਮਲੇ ਸਬੰਧੀ ਸਾਰਾ ਦਿਨ ਹੀ ਪੰਜਾਬ ਭਰ ਵਿਚੋਂ ਲੋਕਾਂ ਦੇ ਫ਼ੋਨ ਬਾਬੂਸ਼ਾਹੀ ਦੇ ਸਟਾਫ਼ ਦੇ ਫੋਨਾਂ ਤੇ ਆਉਂਦੇ ਰਹੇ .
ਮੁੱਖ ਮੰਤਰੀ ਦੇ ਮੀਡੀਆ ਸਲਾਹਕਾਰ ਰਵੀਨ ਠੁਕਰਾਲ ਨੇ ਸਪਸ਼ਟ ਕੀਤਾ ਕਿ ਕੱਲ੍ਹ 23 ਮਾਰਚ ਦੀ ਕੋਈ ਛੁੱਟੀ ਨਹੀਂ ਕੀਤੀ ਗਈ ਅਤੇ ਸੋਸ਼ਲ ਮੀਡੀਆ ਤੇ ਘੁਮਾਈ ਖ਼ਬਰ ਗ਼ਲਤ ਹੈ .
ਜ਼ਿਕਰਯੋਗ ਹੈ ਕਿ ਪੰਜਾਬ ਵਿਧਾਨ ਸਭਾ ਦਾ ਸੈਸ਼ਨ ਕੱਲ੍ਹ 23 ਮਾਰਚ ਨੂੰ ਨਹੀਂ ਹੋਵੇਗਾ ਅਤੇ ਸਦਨ ਦੀ ਛੁੱਟੀ ਰਹੇਗੀ .