ਨਾਈਜੀਰੀਆ ਦੇ ਸਮੁੰਦਰੀ ਲੁਟੇਰਿਆਂ ਦੀ ਧਮਕੀ : ਕਾਂਗੜਾ ਫ਼ੋਨ ਕਰਕੇ ਬੰਧਕਾਂ ਦੇ ਪਰਿਵਾਰ ਕੋਲੋਂ ਮੰਗੀ ਫਿਰੌਤੀ
ਨਗਰੋਟਾ, 26 ਮਾਰਚ (ਪੰਜਾਬ ਮੇਲ)- ਨਾਈਜੀਰੀਆ ਦੇ ਸਮੁੰਦਰੀ ਲੁਟੇਰਿਆਂ ਦੀ ਧਮਕੀ ਤੋਂ ਬਾਅਦ ਪਿਛਲੇ 24 ਘੰਟੇ ਵਿਚ ਕਾਂਗੜਾ ਦੇ ਤਿੰਨ ਪਰਿਵਾਰ ਖੂਨ ਦੇ ਹੰਝੂ ਰੋ ਰਹੇ ਹਨ। ਉਨ੍ਹਾਂ ਚਿੰਤਾ ਸਤਾ ਰਹੀ ਹੈ ਕਿ ਅਲਟੀਮੇਟਮ ਖਤਮ ਹੋਣ ਤੋਂ ਬਾਅਦ ਬੰਧਕ ਬਣਾਏ ਗਏ ਉਨ੍ਹਾਂ ਦੇ ਲਾਡਲਿਆਂ ਦਾ ਕੀ ਹੋਵੇਗਾ। ਸ਼ਨਿੱਚਰਵਾਰ ਨੂੰ ਸਮੁੰਦਰੀ ਲੁਟੇਰਿਆਂ ਨੇ ਸੁਸ਼ੀਲ ਦੇ ਘਰ ਫੋਨ ਕਰਕੇ ਫਿਰੌਤੀ ਦੇ ਪੈਸੇ ਨਾ ਦੇਣ ‘ਤੇ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ। ਘਰ ਵਾਲਿਆਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਉਨ੍ਹਾਂ ਪੂਰੀ ਰਾਤ ਜਾਗਦੇ ਹੋਏ ਕੱਟੀ। ਨੌਜਵਾਨਾਂ ਦੇ ਬੰਧਕ ਬਣਾਉਣ ਦੀ ਸੂਚਨਾ ਵਿਦੇਸ਼ ਮੰਤਰਾਲੇ ਨੂੰ ਦੇ ਦਿੱਤੀ ਹੈ।
ਲੇਕਿਨ 24 ਘੰਟੇ ਤੋਂ ਰਾਹਤ ਦੀ ਕੋਈ ਖ਼ਬਰ ਨਹੀਂ ਆਈ। ਸੁਸ਼ੀਲ ਦੀ ਪਤਨੀ ਪੂਜਾ, ਪਿਤਾ ਰਘੂਵੀਰ ਅਤੇ ਮਾਤਾ ਸੁਦੇਸ਼ ਨੇ ਕਿਹਾ ਕਿ ਉਹ ਅਪਣਾ ਸਾਰਾ ਪੈਸਾ, ਜ਼ਮੀਨ, ਘਰ ਅਤੇ ਗਹਿਣੇ ਵੇਚ ਕੇ ਫਿਰੌਤੀ ਦੀ ਰਕਮ ਦੇਣ ਲਈ ਤਿਆਰ ਹਨ।
ਜ਼ਿਕਰਯੋਗ ਹੈ ਕਿ ਨਾਈਜੀਰੀਆ ਵਿਚ ਕਾਂਗੜਾ ਜ਼ਿਲ੍ਹੇ ਦੇ ਤਿੰਨ ਨੌਜਵਾਨਾਂ ਨੂੰ ਸਮੁੰਦਰੀ ਲੁਟੇਰਿਆਂ ਨੇ ਅਗਵਾ ਕਰ ਲਿਆ। ਬਦਲੇ ਵਿਚ ਲੁਟੇਰਿਆਂ ਨੇ 11 ਮਿਲੀਅਨ ਨਾਇਰਾ ਕਰੰਸੀ ਵਿਚ ਫਿਰੌਤੀ ਦੀ ਮੰਗ ਕੀਤੀ ਹੈ। ਮਰਚੈਂਟ ਨੇਵੀ ਵਿਚ ਤੈਨਾਤ ਤਿੰਨਾਂ ਨੌਜਵਾਨਾਂ ਨੂੰ ਸਮੁੰਦਰੀ ਲੁਟੇਰਿਆਂ ਨੇ ਜੰਗਲ ਵਿਚ ਬੰਧਕ ਬਣਾ ਰੱਖਿਆ ਹੈ। ਅਗਵਾ ਨੌਜਵਾਨਾਂ ਦੇ ਘਰ ‘ਤੇ ਆਈ ਸੈਟੇਲਾਈਟ ਕਾਲ ਨਾਲ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਜਾਣਕਾਰੀ ਦੇ ਅਨੁਸਾਰ ਵਿਕਾਸ ਖੰਡ ਨਗਰੋਟਾ ਸੂਰੀਆਂ ਦੀ ਪੰਚਾਇਤ ਸੁਕਨਾੜਾ ਦਾ ਨੌਜਵਾਨ ਸੁਸ਼ੀਲ ਪਿਛਲੇ ਦੋ ਮਹੀਨੇ ਤੋਂ ਨਾਈਜੀਰੀਆ ਦੇ ਸਮੁੰਦਰੀ ਲੁਟੇਰਿਆਂ ਦੀ ਕੈਦ ਵਿਚ ਹਨ। ਇਸ ਤੋਂ Îਇਲਾਵਾ ਦੋ ਹੋਰ ਨੌਜਵਾਨ ਅਜੇ ਕੁਮਾਰ ਨਿਵਾਸੀ ਪਾਲਮਪੁਰ ਅਤੇ ਪੰਕਜ ਨਗਰੋਟਾ ਬਗਵਾਂ ਨੂੰ ਉਤਸੇਹੜ ਪੰਚਾਇਤ ਦੇ ਰਡ ਪਿੰਡ ਦਾ ਰਹਿਣ ਵਾਲਾ ਹੈ। ਮਰਚੈਂਟ ਨੇਵੀ ਵਿਚ ਤੈਨਾਤ ਸੁਸ਼ੀਲ 13 ਸਾਲ ਤੋਂ ਅਲੱਗ ਅਲੱਗ ਕੰਪਨੀਆਂ ਦੇ ਨਾਲ ਕੰਮ ਕਰ ਰਿਹਾ ਸੀ। ਇਨ੍ਹਾਂ ਤਿੰਨਾਂ ਨੌਜਵਾਨਾਂ ਨੂੰ ਸਮੁੰਦਰੀ ਜਹਾਜ਼ ਸਮੇਤ ਨਾਈਜੀਰੀਆ ਵਿਚ ਅਗਵਾ ਕਰ ਲਿਆ ਗਿਆ। ਉਨ੍ਹਾਂ ਜੰਗਲ ਵਿਚ ਰੱਖਿਆ ਗਿਆ ਹੈ। ਸੁਸ਼ੀਲ ਨੇ 12 ਮਾਰਚ ਨੂੰ ਸੈਟੇਲਾਈਨ ਕਾਲ ਰਾਹੀਂ ਪਰਿਵਾਰ ਵਾਲਿਆਂ ਨੂੰ ਅਗਵਾ ਦੀ ਪੂਰੀ ਜਾਣਕਾਰੀ ਦਿੱਤੀ।