ਪ੍ਰੇਸ ਰਿਲੀਜ਼ ਅਤੇ ਸਟੇਟਮੇੰਟ
ਨਾਗਰਿਕਤਾ ਬਿੱਲ ਦੇ ਵਿਰੋਧ ‘ਚ ਮਿਜ਼ੋਰਮ ‘ਚ ਗਣਤੰਤਰ ਦਿਵਸ ਸਮਾਗਮ ਦਾ ਬਾਈਕਾਟ ਕਰਨ ਦਾ ਸੱਦਾ
Page Visitors: 2323
ਨਾਗਰਿਕਤਾ ਬਿੱਲ ਦੇ ਵਿਰੋਧ ‘ਚ ਮਿਜ਼ੋਰਮ ‘ਚ ਗਣਤੰਤਰ ਦਿਵਸ ਸਮਾਗਮ ਦਾ ਬਾਈਕਾਟ ਕਰਨ ਦਾ ਸੱਦਾ
January 22
17:30 2019
ਆਈਜੋਲ, 22 ਜਨਵਰੀ (ਪੰਜਾਬ ਮੇਲ)- ਮਿਜ਼ੋਰਮ ਦੀ ਐੱਨ.ਜੀ.ਓ. ਕੋਆਰਡੀਨੇਸ਼ਨ ਕਮੇਟੀ ਦੇ ਪ੍ਰਧਾਨ ਵਨਲਾਲਰੁਆਤਾ ਨੇ ਨਾਗਰਿਕਤਾ ਬਿੱਲ ਦੇ ਵਿਰੋਧ ‘ਚ ਸੂਬੇ ‘ਚ ਗਣਤੰਤਰ ਦਿਵਸ ਸਮਾਗਮ ਦਾ ਬਾਈਕਾਟ ਕਰਨ ਦਾ ਸੱਦਾ ਦਿੱਤਾ।
ਐੱਨ.ਜੀ.ਓ. ਕੋਆਰਡੀਨੇਸ਼ਨ ਕਮੇਟੀ ਦੀ ਬੈਠਕ ਤੋਂ ਬਾਅਦ ਜਾਰੀ ਪ੍ਰੈਸ ਰਿਪੋਰਟ ‘ਚ ਕਿਹਾ ਗਿਆ ਕਿ ਵਿਆਪਕ ਵਿਰੋਧ ਦੇ ਬਾਵਜੂਦ ਨਾਗਰਿਕਤਾ (ਸੋਧ) ਬਿੱਲ 2016 ਲੋਕ ਸਭਾ ‘ਚ ਪਾਸ ਹੋ ਗਿਆ।
ਉਸ ਨੇ ਕਿਹਾ, ‘ਬਿੱਲ ਦੇ ਸ਼ਖਤ ਵਿਰੋਧ ਦੀ ਲੋੜ ਹੈ।’ ਉਸ ਨੇ ਕਿਹਾ ਕਿ ਸਾਰੇ ਸਰਕਾਰੀ ਕਰਮਚਾਰੀ, ਵਿਦਿਆਰਥੀ ਤੇ ਆਮ ਲੋਕ ਗਣਤੰਤਰ ਦਿਵਸ ‘ਤੇ ਆਯੋਜਿਤ ਸਾਰੇ ਪ੍ਰੋਗਰਾਮਾਂ ਤੋਂ ਦੂਰ ਰਹਿਣਗੇ।
ਨਾਗਰਿਕਤਾ (ਸੋਧ) ਬਿੱਲ 2016 ਨੂੰ 8 ਜਨਵਰੀ ਨੂੰ ਲੋਕ ਸਭਾ ‘ਚ ਪਾਸ ਕੀਤਾ ਗਿਆ ਸੀ। ਬਿੱਲ ਹਾਲੇ ਰਾਜ ਸਭਾ ‘ਚ ਲਟਕਿਆ ਹੈ, ਜਿਸ ‘ਤੇ ਫੈਸਲਾ ਆਉਣਾ ਬਾਕੀ ਹੈ। ਐੱਨ.ਜੀ.ਓ. ਕੋਆਰਡੀਨੇਸ਼ਨ ਕਮੇਟੀ ਨੇ ਮਿਜੋ ਜਿਰਲਾਈ ਪਾਲ ਵੱਲੋਂ ਬਿੱਲ ਦੇ ਵਿਰੋਧ ‘ਚ ਕੱਲ ਸੂਬੇ ਭਰ ‘ਚ ਆਯੋਜਿਤ ਪ੍ਰਦ੍ਰਸਨ ਰੈਲੀ ਨੂੰ ਵੀ ਆਪਣਾ ਸਮਰਥਨ ਦਿੱਤਾ ਹੈ।