ਕਵਿਤਾਵਾਂ
ਭਾਜਪਾਈਆਂ ਨੂੰ ਮਸ਼ਵਰਾ !
Page Visitors: 2559
ਭਾਜਪਾਈਆਂ ਨੂੰ ਮਸ਼ਵਰਾ !
(ਤਰਲੋਚਨ ਸਿੰਘ ਦੁਪਾਲਪੁਰ)
ਕਰਦਾ 'ਆਦਮ-ਬੋ, ਆਦਮ-ਬੋ' ਫਿਰੇ ਮੋਦੀ
ਖੂੰਜੇ ਧੱਕ'ਤਾ ਉਹਨੇ ਅਡਵਾਣੀਆਂ ਨੂੰ।
ਉਹ ਤਾਂ ਟੱਕਰੂ ਜ਼ਾਲਮ ਬੇਕਿਰਕ ਹੋ ਕੇ
ਸਿੱਖ,ਮੁਸਲਿਮਾਂ ਕੌਮਾਂ ਨਿਮਾਣੀਆਂ ਨੂੰ।
ਸਾਰੇ ਵਰਗਾਂ ਦੇ ਚਿਹਰੇ ਭੈ-ਭੀਤ ਹੋ ਗਏ
ਚਾਅ ਹੋਣਾ ਐਂ ਸਿਰਫ਼ ਹਟਵਾਣੀਆਂ ਨੂੰ।
ਹੇ ਰੱਬ ਜੀ ! ਮਿਲ਼ੇ ਨਾ ਰਾਜ ਗੱਦੀ
ਪਾ ਦੇਈਂ ਖ਼ੈਰ ਬੇ-ਆਸ ਪ੍ਰਾਣੀਆਂ ਨੂੰ।
ਸਮਝਣ ਦੈਂਤ ਘੱਟ-ਗਿਣਤੀਆਂ ਤੁਸਾਂ ਤਾਈਂ
ਕਰਨਾ ਚਾਹੀਦਾ ਹੋਰ ਐਲਾਨ ਤੁਹਾਨੂੰ।
ਨਾਜ਼ਕ ਜਿਹਾ ਇਹ ਕਮਲ ਦਾ ਫ਼ੁਲ ਬਦਲੋ
'ਛੁਰਾ' ਜਚੇ ਗਾ ਚੋਣ-ਨਿਸ਼ਾਨ ਤੁਹਾਨੂੰ!!
-ਤਰਲੋਚਨ ਸਿੰਘ 'ਦੁਪਾਲ ਪੁਰ'