ਕਵਿਤਾਵਾਂ
ਤਣਿਆ ਸੀ ਪੰਥ ਤੇਰਾ ਪੈ ਗਈ ਜੋ ਝੋਲ ਦੇਖੀਂ
Page Visitors: 2560
ਤਣਿਆ ਸੀ ਪੰਥ ਤੇਰਾ, ਪੈ ਗਈ ਜੋ ਝੋਲ ਦੇਖੀਂ
ਤੋਲੇ ਗਏ ਤੋਲ ਦੇਖੀਂ
ਬੋਲੇ ਗਏ ਬੋਲ ਦੇਖੀਂ
ਸੰਸਾਰ ਗ਼ਮਜ਼ਦਾ ਹੈ
ਐਵੇਂ ਨਾ ਫੋਲ ਦੇਖੀਂ
ਚੰਡਿਆਂ ਹੀ ਝੰਡ ਹੁੰਦੀ
ਜੁੱਸਾ ਨਾ ਸੋਹਲ ਦੇਖੀਂ
ਕਰਤੇ ਨੂੰ ਦੋਸ਼ ਦੇਵੇਂ
ਕੀਤੇ ਕਲੋਲ ਦੇਖੀਂ
ਮਸਾਂ ਹੀ ਮੋਤੀ ਬਣਦੇ
ਘੋਗੇ ਜਾਂ ਖੋਲ ਦੇਖੀਂ
ਜੰਨਤ ਜਹੰਨਮਾਂ ਨੂੰ
ਹਿਰਦਾ ਫਰੋਲ ਦੇਖੀਂ
ਤਣਿਆ ਸੀ ਪੰਥ ਤੇਰਾ
ਪੈ ਗਈ ਜੋ ਝੋਲ ਦੇਖੀਂ
ਸੱਚ ਸਾਬਤੀ ਸਫਾਈ
ਹੋਵਣ ਮਧੋਲ ਦੇਖੀਂ
ਖੌਰੂ ਖਵਾਰੀਆਂ ਨੇ
ਢੋਲਾਂ ਦੇ ਪੋਲ ਦੇਖੀਂ
ਤੇਰੇ ਦੀਨ ਤੇ ਦੁਨੀ ਹੈ
ਮਾਰੀਂ ਨਾ ਰੋਲ ਦੇਖੀਂ
ਸਿੱਕ ਰਾਜ ਦੀ ਹਮੇਸ਼ਾਂ
ਭਗੌਤੀ, ਭੂਗੋਲ ਦੇਖੀਂ
ਟੰਗਾਂ ਦਾ ਦੋਸ਼ ਹੈ ਜੇ
ਧਰਤੀ ਅਡੋਲ ਦੇਖੀਂ
ਪੰਥੀ ਕਹਾਂਵਦੇ ਜੋ
ਕਰਦੇ ਕਬੋਲ ਦੇਖੀਂ
ਮੱਥਾ ਕੀ ਮੂਰਖਾਂ ਨਾ
‘ਢੇਸੀ’ ਅਬੋਲ ਦੇਖੀਂ
Kulwant Singh Dhesi
kulwantsinghdhesi@hotmail.com
07854 136 413
ਮੰਗਵਾਰ 3 ਮਈ 16