ਦੇਸ਼ ਮੇਰੇ ਦੇ ਨੇਤਾ ਫੱਟੇ ਚੱਕੀ ਜਾਂਦੇ ਆ
ਆਉ ਸੁਣ ਲਉ ਕਹਾਣੀ ਮੇਰੇ ਦੇਸ਼ ਦੀ .
.ਜਿੱਥੇ ਛਿੜ ਪਈ ਹੈ ਘਰ ਘਰ ਗੱਲ ਨਿੱਤ ਨਵੇਂ ਜੇ ਕਲੇਸ਼ ਦੀ
ਧੋਣ ਦੇ ਉੱਤੇ ਗੋਡਾ ਨਿੱਤ ਦਿਨ ਰੱਖੀ ਜਾਂਦੇ ਆ ...
...ਦੇਸ਼ ਮੇਰੇ ਦੇ ਨੇਤਾ ਫੱਟੇ ਚੱਕੀ ਜਾਂਦੇ ਆ
ਬਣ ਕੇ ਬਹਿਜੇ ਆਗੂ ਅੱਜ ਕਲ ਲੋਕਾਂ ਦਾ ਗੁੰਡਾਂ .
.ਕਹਿੰਦਾਂ ਪੱਟ ਲਉ ਚੇਲਿਆ ਨੂੰ ਹਰ ਚੋਬਰ ਜੋ ਮੁਡਾਂ
ਨਸਿਆਂ ਦੇ ਨਰਕ ਵਿੱਚ ਸਭ ਨੂੰ ਧੱਕੀ ਜਾਂਦੇ ਆ…
. ਦੇਸ਼ ਮੇਰੇ ਦੇ ਨੇਤਾ ਫੱਟੇ ਚੱਕੀ ਜਾਂਦੇ ਆ
ਵਿਦਿਆ ਦੇ ਹੁਣ ਨਾਂ ਉੱਤੇ ਖੋਲੀ ਜਾਵਣ ਵਪਾਰਾਂ ਦੇ ਅੱਡੇ.
. ਰੋਜਗਾਰ ਜਦ ਮੰਗਣ ਜਾਵਣ ਖਾਵਣ ਪੁਲਸਾਂ ਤੋਂ ਠੱਡੇ
ਵਿੱਚ ਫਿਕਰਾਂ ਦੀ ਅੱਗ ਦੇ ਲੋਕ ਤਾਂ ਪੱਕੀ ਜਾਂਦੇ ਆ…
.. ਦੇਸ਼ ਮੇਰੇ ਦੇ ਨੇਤਾ ਫੱਟੇ ਚੱਕੀ ਜਾਂਦੇ ਆ
ਲੱਖਾ ਦੇ ਇਕੱਠਾਂ ਵਿੱਚ ਖੜਕੇ ਗੱਪ ਮਾਰਦੇ ਆ…
.. ਗੱਲਾਬਾਤਾਂ ਦੇ ਨਾਲ ਪੂਰੇ ਸੀਨੇ ਠਾਰਦੇ ਆ
ਵਿੱਚ ਦਫਤਰਾਂ ਬਹਿਕੇ ਸਭ ਹੜੱਪੀ ਜਾਂਦੇ ਆ…
.. ਦੇਸ਼ ਮੇਰੇ ਦੇ ਨੇਤਾ ਫੱਟੇ ਚੱਕੀ ਜਾਂਦੇ ਆ
ਧਰਮ ਦੇ ਨਾਂ ਤੇ ਗੱਲਾ ਚੰਦਰੇ ਖੂਬ ਸੁਣਾਉਂਦੇ ਆਂ…
.. ਮੰਦਰ ਮਸਜਿਦ ਦੇ ਝਗੜਿਆਂ ਵਿੱਚ ਖੂਬ ਫਸਾਉਂਦੇ ਆ
ਪੱਖੋ ਵਾਲਿਆ ਲੋਕ ਲੜਾਕੇ ਇਹ ਤਾਂ ਹੱਸੀ ਜਾਂਦੇ ਆ…
.. ਦੇਸ਼ ਮੇਰੇ ਦੇ ਨੇਤਾ ਫੱਟੇ ਚੱਕੀ ਜਾਂਦੇ ਆ
ਗੁਰਚਰਨ ਸਿੰਘ ਪਾਖੋਕਲਾਂ