ਕੋਈ ਨਾਂ ਰੋਗ ਸੋਗ ਤੇ ਭੋਗ ਭੈ ਸਿੱਖੀ ਸਫੇ ਅੰਦਰ
ਜੇਕਰ ਸੱਚ ਅਤੇ ਸਿਦਕ ਦਾ ਹੁੰਦਾ ਬੁਲੰਦ ਰੁਤਬਾ
ਮਾਮੂਲੀ ਝੱਖੜਾਂ ਦੇ ਵਿਚ ਕਦੀ ਨਾ ਕਾਫਲਾ ਰੁਕਦਾ
ਕਿਤੇ ਜੇ ਆਪਣੇ ਸਾਏ ਤੋਂ ਨਾਂ ਇਹ ਤੋੜਦੇ ਰਿਸ਼ਤਾ
ਸਰਦਾਰਾਂ ਦਾ ਗੈਰਾਂ ਦੇ ਸਾਹਮਣੇ ਵੀ ਸੀਸ ਨਾ ਝੁਕਦਾ
ਪਨਾਹ ਆਪਣੇ ਘਰਾਂ ਦੇ ਦਰਾਂ ਦੀ ਮਨਫੀ ਜਦੋਂ ਹੋਈ
ਜੁਝਾਰੂ ਦੇਸ ਨੂੰ ਛੱਡ ਕੇ ਫਿਰੇ ਪ੍ਰਦੇਸ ਵਿਚ ਲੁਕਦਾ
ਟੁੱਟ ਗਈ ਸਾਂਝ ਹਰ ਦਿਲ ਦੀ ਤੁਅੱਲਕ ਹੋ ਗਏ ਜ਼ਹਿਰੀ
ਮਜ਼੍ਹਬੀ ਜਾਤਾਂ ਜਮਾਤਾਂ ਦਾ ਅਜੇ ਵੀ ਨਾਗ ਹੈ ਬੁੱਕਦਾ
ਅਸੀਂ ਮਾਲਾ ਤੋਂ ਟੁੱਟ ਕੇ ਬਿਖਰ ਗਏ ਤੇ ਹੋ ਗਏ ਜ਼ਖਮੀ
ਬੜੇ ਆਰਾਮ ਨਾਲ ਦੁਸ਼ਮਣ ਅਸਾਡੇ ਨਮਕ ਹੈ ਭੁੱਕਦਾ
ਕੋਈ ਮੌਸਮ ਸਮਾਜਾਂ ਦਾ ਕਦੀ ਇੱਕ ਸਾਰ ਨਾ ਰਹਿੰਦਾ
ਐਵੇਂ ਹੀ ਨਾਮ ਹੈ ਬਦਨਾਮ ਵਲਾਇਤੀ ਰੁੱਤ ਤੇ ਧੁੱਪ ਦਾ
ਸਦੀਵੀ ਫਤਹਿ ਦਾ ਨੁਸਖਾ ਜੇ ਦਿੱਤਾ ਸਤਗੁਰੂ ਦਿੱਤਾ
ਇਹ ਕੇਵਲ ਨਾਮ ਦਾ ਸੂਰਜ ਹੈ ਚੜ੍ਹਿਆ ਕਦੇ ਨਾ ਛੁਪਦਾ
ਕੋਈ ਨਾਂ ਰੋਗ ਸੋਗ ਤੇ ਭੋਗ ਭੈ ਸਿੱਖੀ ਸਫੇ ਅੰਦਰ
ਮਰ ਗਏ ਲੁੱਟ ਗਏ ਕਹਿ ਕੇ ਸਦਾ ਭਾਸ਼ਣ ਕਿਓਂ ਮੁੱਕਦਾ
ਇਹ ਕੇਵਲ ਅਸੀਂ ਹਾਂ ਕਿ ਧਰਮ ਦੀ ਜੋ ਸੇਲ ਲਾਉਂਦੇ ਹਾਂ
ਜਾਂ ਪ੍ਰਚਾਰ ਛੂਆ ਛਾਤ ਤੇ ਕੁਝ ਜੂਠ ਤੇ ਸੁੱਚ ਦਾ
ਮੀਰਾਂ ਪੀਰਾਂ ਦੇ ਨੇ ਸਭ ਚੋਂਚਲੇ ਤੇ ਸੁਰਖੀਆਂ ਖਬਰਾਂ
ਗਰੀਬਾਂ ਕਿਰਤੀਆਂ ਨੂੰ ਭਲਾ ਦੱਸੋ ਕੌਣ ਹੈ ਪੁੱਛਦਾ
ਚਲੋ ਚੰਗਾ ਹੈ ‘ਢੇਸੀ’ ਨੂੰ ਵਜ੍ਹਾ ਕੁਝ ਸਮਝ ਤਾਂ ਲੱਗੀ
ਗਿਲਾ ਹੋਵੇਗਾ ਸਭ ਕੁਝ ਸਮਝ ਕੇ ਵੀ ਫੇਰ ਜੇ ਉਕੱਦਾ
Comment:- What about the Mala – Rosary being popularized by the followers of AKJ and other SS Deravaad ?
Gurmit Singh