ਤੇਰੇ ਵਰਗੇ ਨੰਗ ਪਾਲੀਏ ਹੋਰ ਬਥੇਰੇ ਵਸਦੇ ਨੇ
ਹਰ ਰਿਸਤੇ ਨੂੰ ਮਿਣਦੀ ਦੁਨੀਆ
ਦੋਲਤ ਦੇ ਪੈਮਾਨੇ ਨਾਲ
ਨੰਹੁ ਮਾਸ ਤੇ ਲਹੂ ਨਾ
ਹੁਣ ਕੋਈ ਬਹੁਤਾ ਮਤਲਬ ਰੱਖਦੇ ਨੇ
ਮਾੜੇ ਦੇ ਨਾਲ ਨੇੜੇ ਦੀ ਵੀ
ਰਿਸਤੇਦਾਰੀ ਲੁਕੋ ਲੈਂਦੇ
ਤਕੜੇ ਦੇ ਨਾਲ ਦੂਰ ਦਾ ਨਾਤਾ
ਢੋਲ ਵਜਾ ਕੇ ਦਸਦੇ ਨੇ
ਤਕੜੇ ਦੇ ਕੁੱਤੇ ਦੀ ਲੱਤ ਟੁੱਟ ਜਾਵੇ
ਪਿੰਡ ਰੋਂਦਾ ਹੈ
ਅੱਖਾਂ ਨੂੰ ਥੁੱਕ ਲਾਕੇ
ਉਸ ਨੰੂ ਵਗਦੇ ਹੰਝੂ ਦੱਸਦੇ ਨੇ
ਮਾੜੇ ਦੇ ਤਾਂ ਮਰਦੇ ਦੇ
ਕੋਈ ਮੰੂਹ ਵਿੱਚ ਪਾਣੀ ਪਾਉਂਦਾ ਨਹੀਂ
ਵੇਖ ਨਿਕਲਦੀ ਜਾਨ ਓਸ ਦੀ
ਪਾਸੇ ਵੱਟ ਵੱਟ ਨੱਸਦੇ ਨੇ
ਤਕੜੇ ਦੀ ਧੀ ਉੱਧਲੀ ਨੂੰ
ਫੈਸ਼ਨ ਦੀ ਚਾਦਰ ਢੱਕ ਲੈਂਦੀ
ਮਾੜੇ ਦੀ ਧੀ ਕਾਲਜ ਜਾਂਦੀ
ਨੂੰ ਵੀ ਤਾਅਨੇ ਕਸਦੇ ਨੇ
ਤਕੜੇ ਦੀ ਤੀਵੀਂ ਨੂੰ
ਹਰ ਕੋਈ ਆਖ ਬੁਲਾਵੇ ਬੀਬੀ ਜੀ
ਮਾੜੇ ਦੀ ਨੂੰ ਛੋਟੇ ਵੱਡੇ
ਸਾਰੇ ਭਾਬੀ ਦੱਸਦੇ ਨੇ
ਡੁੱਬਦਾ ਸੂਰਜ ਵੇਖਕੇ
ਸਾਰਾ ਪਿੱਡ ਬੂਹੇ ਢੋ ਲੈਂਦਾ ਏ
ਚੜ੍ਹਦੇ ਨੂੰ ਇਹ ਨਿਮ ਨਿਮ ਕੇ
ਸਿਜਦੇ ਕਰਦੇ ਨਾ ਥੱਕਦੇ ਨੇ
ਏਥੇ ਲੋਕੀਂ ਭਰੀਆਂ ਜੇਬਾਂ ਨੰੂ
ਕਹਿੰਦੇ "ਜੀ ਆਇਆੰ ਨੰੂ"
ਤੇਰੇ ਵਰਗੇ ਨੰਗ ਪਾਲੀਏ
ਹੋਰ ਬਥੇਰੇ ਵਸਦੇ ਨੇ
ਸਤਨਾਮ ਪਾਲੀਆ
9501635200